ஜனநாயகன் ரிலீஸ் தடை: பொங்கல் ரேஸில் வா வாத்தியார், திரௌபதி 2 உள்ளிட்ட படங்கள் குதித்தன!

ஜனநாயகன் படத்தின் சென்சார் சான்றிதழ் தொடர்பான வழக்கில் சென்னை உயர்நீதிமன்றம் தற்காலிக தடை விதித்துள்ளதால், அந்தப் படம் பொங்கல் திரையரங்க ரேஸில் கலந்துகொள்ள முடியாமல் போயுள்ளது. அடுத்த கட்ட விசாரணை ஜனவரி 21ஆம் தேதி மட்டுமே நடைபெற உள்ளதாக தலைமை நீதிபதி அறிவித்திருப்பதால், அதற்கு முன்பாக படத்திற்கு சென்சார் சான்றிதழ் கிடைப்பது சந்தேகமாகவே உள்ளது.

இதன் மூலம், பொங்கல் திரையரங்கச் சூழலில் ஒரு பெரிய இடைவெளி ஏற்பட்டுள்ளது. இந்நிலையில், ஜனவரி 10 வெளியாக உள்ள பராசக்தி படம் தற்போது சோலோ ரிலீஸாக வெளியாக உள்ளது. அந்தப் படத்திற்கு 600-க்கும் மேற்பட்ட திரையரங்குகள் ஒதுக்கப்பட்டுள்ளதாக தகவல்கள் தெரிவிக்கின்றன.

ஜனநாயகன் போட்டியிலிருந்து விலகியதை அடுத்து, பல படங்கள் பொங்கல் ரேஸில் குதித்துள்ளன. அதில் முக்கியமானவை – கார்த்தி நடித்துள்ள வா வாத்தியார் மற்றும் மோகன்.ஜி இயக்கியுள்ள திரௌபதி 2 ஆகிய படங்கள். இரண்டுமே ஜனவரி 14 அன்று திரையரங்குகளில் வெளியாக உள்ளன.

இதன்மூலம், பொங்கல் திரைப்பட வெளியீடுகள் சற்று மாறிய போட்டிச் சூழலில் நடைபெற உள்ளது. ஜனநாயகன் இல்லாத இந்த ரேஸில், வா வாத்தியார் மற்றும் திரௌபதி 2 போன்ற படங்கள் தங்கள் வெற்றிக்கான வாய்ப்புகளை முழுமையாகப் பயன்படுத்த தயாராக உள்ளன.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS