இன்றைய ராசிபலன் – 11 டிசம்பர் 2025 | ஒவ்வொரு ராசிக்கும் ஜோதிட பலன்கள்

மேஷம்: குழந்தைகள் மீது கவனம் செலுத்துங்கள். ஏதோ ஒரு மன பயம் உங்களைத் தொந்தரவு செய்யலாம். குடும்பம் மற்றும் பணியிடத்தில் உணர்ச்சிவசப்படாமல் இருங்கள். முக்கிய முடிவுகளை உணர்ச்சிகளை ஒதுக்கி வைத்து எடுக்கவும். குழந்தைகள் சார்ந்த செலவுகள் அதிகரிக்கலாம். உங்களுக்குப் பிடித்த பொருளை இழக்க நேரிடலாம்.

ரிஷபம்: உடல்நலம் சிறப்பாக இருக்கும். கோயில் வழிபாடு, குரு வணக்கம் போன்றவற்றில் ஈடுபடலாம். வருமானம் இரட்டிக்கப் பெறும் வாய்ப்புகள் உள்ளன. எனினும், புதிய எதிரிகள் உருவாக வாய்ப்பு இருப்பதால், வேலைகளில் எச்சரிக்கையாக இருங்கள். பயணங்களில் கவனம் தேவை.

மிதுனம்: நிதி விவகாரங்களில் கவனமாக இருங்கள். மாணவர்கள் கல்வியில் எதிர்கொண்ட பிரச்சனைகளிலிருந்து விடுபடுவார்கள். குழந்தைகளுக்காக முதலீடு செய்ய யோசிப்பீர்கள். கடின சூழ்நிலையில் வாழ்க்கைத் துணையின் ஆலோசனை முக்கியம். பண பரிவர்த்தனைகளைக் கவனத்துடன் நடத்தவும்.

கடகம்: இன்று இனிமையான நாளாக இருக்கும். மாணவர்கள் கல்வியில் வெற்றி காண்பார்கள். நீண்ட நாள் நோய்களுக்கு நிவாரணம் கிடைக்கும். குழந்தைகளின் விருப்பங்களை நிறைவேற்ற முயற்சி செய்வீர்கள். குடும்ப விருந்து ஏற்பாடுகள் செய்யலாம். புதிய பண ஒப்பந்தம் முடிவுக்கு வரும். திருமண முயற்சியில் உள்ளவர்களுக்கு நல்ல வரம் கிடைக்கும்.

சிம்மம்: மதிப்புள்ள பொருட்கள் வாங்க சாதகமான நாள். புகழ்கிறவர்களிடம் கவனமாக இருங்கள். குடும்பத்தில் சில மன வருத்தங்கள் ஏற்படலாம் – அதைப் பேசி தீர்த்துக் கொள்ளுங்கள். வாக்குவாதங்களைத் தவிர்க்கவும். குடும்பத் தேவைக்காக செலவுகள் அதிகரிக்கும். நிதி சிக்கல்களை எதிர்கொள்ள வேண்டியிருக்கும்.

கன்னி: கடன் கொடுத்த பணம் திரும்ப வரும். எதிரிகள் விஷயத்தில் எச்சரிக்கை தேவை. முன்னேற்றம் நிறைந்த நாளாக இருக்கும். அரசு சார்ந்த வேலைகள் சாதகமாக முடியும். வாழ்க்கைத் துணையுடன் மகிழ்ச்சியான நேரத்தை செலவிட வாய்ப்பு உள்ளது. பிள்ளைகளின் கல்வியில் வெற்றி கிடைக்கும்.

துலாம்: முன்கோபத்தைத் தவிர்க்கவும். உங்கள் அறிவும் நகைச்சுவையும் மற்றவர்களை ஈர்க்கும். பொருளாதார நிலை வலுப்படும். மாணவர்கள் கடின உழைப்பின் மூலம் நல்ல பலன் பெறுவார்கள். ஆரோக்கியம் குறித்து கவனம் தேவை. தந்தையின் உடல்நிலையை கவனிக்கவும். குடும்பத்துடன் வாக்குவாதத்தைத் தவிர்க்கவும்.

விருச்சிகம்: ஆரோக்கியமான வாழ்க்கைக்கு விளையாட்டுகளில் ஈடுபடலாம். முதலீடு செய்வதற்கு சாதகமான நாள் – எதிர்காலத்தில் நல்ல பலன் கிடைக்கும். குடும்ப சூழல் மகிழ்ச்சியாக இருக்கும். மாலை நேரத்தில் நல்ல செய்திகள் வரும். மாணவர்களுக்கு கல்வி உதவி கிடைக்கும். சுப நிகழ்ச்சிகளில் பங்கேற்கலாம்.

தனுசு: குடும்ப வாழ்க்கையில் சில ஏற்ற இறக்கங்கள் ஏற்படலாம். உங்கள் மதிப்பும் மரியாதையும் அதிகரிக்கும். தந்தையுடனான உறவு மேம்படும். ஆனால், நிதி சிக்கல்கள் ஏற்படலாம். உடன் பிறந்தவர்களுடன் சொத்து தகராறு மனக்கவலையைத் தரும். பணியிடத்தில் மரியாதை அதிகரிக்கும். வேலை தேடுபவர்களுக்கு நல்ல செய்தி.

மகரம்: நிதி இழப்பு ஏற்பட வாய்ப்பு உள்ளது. தொழிலில் பிரச்சினைகளில் விரைவாக செயல்பட்டால் அங்கீகாரம் கிடைக்கும். சொத்து விஷயங்களில் விருப்பம் நிறைவேறும். ஆரோக்கியத்தில் கவனம். குடும்பத்தில் கருத்து வேறுபாடுகளால் உறவு பாதிக்கப்படலாம். எனவே, பேச்சைக் குறைத்து, அமைதியாக இருப்பது நல்லது.

கும்பம்: பணம் கிடைக்கும் வாய்ப்பு உள்ளது. உறவினர்கள், நண்பர்களிடமிருந்து எதிர்பாராத பரிசுகள் வரும். சொத்துக்கள் கிடைத்து மகிழ்ச்சி அடைவீர்கள். பேச்சில் கவனம் – இல்லையெனில் மன வருத்தம் ஏற்படும். பிள்ளைகள் விஷயத்தில் ஏமாற்றமான செய்தி கேட்கலாம். அன்றாட செலவுகள் அதிகரிக்கும். வேலையில் புதிய வாய்ப்புகள் கிடைக்கும்.

மீனம்: எடுக்கும் வேலைகளில் கூடுதல் கவனம் தேவை. பேச்சில் கனிவு காட்டுங்கள். வேலையில்லாதவர்களுக்கு வேலை கிடைக்கலாம் – இது நிதி நிலையை மேம்படுத்தும். தனிப்பட்ட வாழ்வு குறித்து நண்பர்கள் நல்ல அறிவுரை அளிப்பார்கள். வியாபாரத்திற்கு சாதகமான நாள். உடன்பிறந்தவர்களுடன் மன வருத்தம் ஏற்படலாம். பங்குச் சந்தை முதலீட்டில் நஷ்டம் ஏற்பட வாய்ப்பு இருப்பதால், இன்று முதலீடு செய்வதைத் தவிர்க்கவும்.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS