அதிகரிக்கப்படவுள்ள லிட்ரோ எரிவாயுவின் விலை!

எதிர்வரும் விலை திருத்தத்தின் போது 12.5 கிலோகிராம் லிட்ரோ சமையல் எரிவாயுவின் விலை 200 ரூபாயால் அதிகரிக்கப்படும் என லிட்ரோ எரிவாயு நிறுவனத்தின் உயர் அதிகாரி ஒருவர் தெரிவித்தார்.

உலக சந்தையில் எரிவாயு விலை தொடர்ந்து அதிகரித்து வருவதனால் எரிவாயு விலையை அதிகரிக்க நேரிட்டதாக தெரிவித்த அதிகாரி, லிட்ரோ எரிவாயு நுகர்வோர் பாதிக்கப்படாத வகையில் தற்போது எரிவாயு விலையை உயர்த்த பேச்சுவார்த்தை நடத்தி வருவதாகவும் தெரிவித்தார்.

லிட்டர் எரிவாயு விலை சூத்திரத்தின்படி, அடுத்த எரிவாயு விலை திருத்தம் எதிர்வரும் (05) ஆம் திகதி நள்ளிரவு முதல் அமுல்படுத்தப்பட உள்ளது.

லிட்ரோ நிறுவனம் கடந்த (05) ஆம் திகதி நள்ளிரவு முதல் 12.5 கிலோ கிராம் வீட்டு எரிவாயு சிலிண்டரின் விலை 343 ரூபாயினால் அதிகரிக்கப்பட்டுள்ளதுடன், இந்த அதிகரிப்புடன் 12.5 கிலோகிராம் சிலிண்டரின் விலை 3,470 ரூபாயாக அதிகரித்துள்ளமைக் குறிப்பிடத்தக்க விடயமாகும்.