ஆஷஸ் 2025: “பத்தாயிரம் ரன்கள் அடித்தவர் இப்படிச் செயல்படுவாரா?” – ஜோ ரூட்டை விமர்சித்த வார்னர்

ஆஷஸ் 2025 தொடரின் முதல் டெஸ்ட் பெர்த்தில் இரண்டு நாட்களிலேயே முடிந்தது. 205 ரன்களை இலக்காகக் கொண்ட ஆஸ்திரேலியா எளிதில் வெற்றி பெற்று, 5 போட்டிகள் கொண்ட தொடரில் 1–0 முன்னிலை பெற்றது.

இங்கிலாந்து அணி இரண்டாவது இன்னிங்சில் தெளிவான திட்டமின்றி ஆடியது போல தோன்றியது. தேவையான பொறுமையுடன் விளையாடியிருந்தால் ஆஸ்திரேலியாவை நெருக்கடிக்கு தள்ள முடிந்திருக்குமென பலரும் கருத்து தெரிவித்தனர்.

இந்த போட்டியில் அனுபவம் வாய்ந்த ஜோ ரூட் மோசமான வடிவத்தில் காணப்பட்டார்.

முதல் இன்னிங்ஸ்: டக்

இரண்டாவது இன்னிங்ஸ்: சில ரன்களில் ஆட்டமிழப்பு

டெஸ்ட் கிரிக்கெட்டில் 13,000 ரன்களுக்கும் அதிகமாக எடுத்திருக்கும் ரூட்டின் இந்த தோற்றம் ரசிகர்களை அதிர்ச்சி அடையச் செய்தது.

இந்த நிலையில், ஆஸ்திரேலிய முன்னாள் வீரர் டேவிட் வார்னர், இங்கிலாந்து அணியின் அணுகுமுறை மற்றும் ஜோ ரூட்டின் ஆட்டத்தை நேரலையில் விமர்சித்தார்.

வார்னர் கூறியதாவது: “இங்கிலாந்து ‘பேஸ் பால்’ என்ற பெயரில் மிகுந்த ஆபத்தான அணுகுமுறையைத் தேர்வு செய்கிறது. முதல் மூன்று பேட்ஸ்மேன்களும் எந்தத் திட்டமுமின்றி ஸ்ட்ரோக் விளையாடுகிறார்கள். போட்டியில் புத்திசாலித்தனமான முடிவுகள் தேவை. 10,000 ரன்களுக்கு மேல் எடுத்திருக்கும் ஒரு அனுபவசாலி கூட தேவையற்ற ஆட்டத்தைப் பின்பற்றினார். இந்த போட்டியில் இங்கிலாந்தே முன்னிலையில் இருந்தது, ஆனால் தங்களின் தவறான அணுகுமுறையால் வெற்றியை இழந்துவிட்டனர்.” என்றார்.