வாடகை மனைவியாக அழகான இளம் பெண்களை கொடுக்கும் நாடு எது தெரியுமா? வாடகை எவ்வளவு தெரியுமா?
வாடகை மனைவி: தாய்லாந்தில் வேகமாகப் பரவி வரும் "வாடகை மனைவி" (Rental Wife) எனும் நடைமுறை உலகம் முழுவதும் கவனத்தை ஈர்த்துள்ளது.
Editorial Staff 
திருமணம் பல நாடுகளில் பாரம்பரியமான நிறுவனமாக இருந்தாலும், சில பகுதிகளில் அது வர்த்தக வடிவத்தை எடுத்துள்ளது. இந்தோனேசியாவில் "இன்பத் திருமணம்" சர்ச்சையைக் கிளப்பியதை அடுத்து, தாய்லாந்தில் வேகமாகப் பரவி வரும் "வாடகை மனைவி" (Rental Wife) எனும் நடைமுறை உலகம் முழுவதும் கவனத்தை ஈர்த்துள்ளது. இந்த பெண்கள் "கருப்பு முத்துக்கள்" (Black Pearls) என்றும் அழைக்கப்படுகிறார்கள்.
தாய்லாந்தின் பட்டாயா நகரம் இந்தத் தற்காலிக திருமண ஏற்பாடுகளின் மையமாக உள்ளது. பொதுவாக ஏழை கிராமப்புறங்களைச் சேர்ந்த இளம் பெண்கள், வெளிநாட்டு சுற்றுலாப் பயணிகளுக்குத் துணையாக இருக்க "வாடகை மனைவிகளாக" ஏற்பாடு செய்யப்படுகிறார்கள். இந்த உறவுகள் சிவப்பு விளக்கு மாவட்டங்களான பார்கள், இரவு விடுதிகள், உணவகங்கள் போன்ற இடங்களில் தொடங்கப்படுகின்றன.
இந்த தற்காலிக ஏற்பாடுகள் சில நாட்கள் முதல் பல மாதங்கள் வரை நீடிக்கும். பெண்கள் வாடிக்கையாளருடன் தற்காலிகத் துணை, சுற்றுலா வழிகாட்டி அல்லது உணர்ச்சிபூர்வமான தோழியாகவும் செயல்படுகிறார்கள். இது முறைசாரா ஒப்பந்தம்; எந்த சட்ட ரீதியான பாதுகாப்பும் இல்லாமல் இயங்குகிறது.
வாடகை மனைவி விலை எவ்வளவு?
விலை பெண்ணின் அழகு, வயது, கல்வி, உரையாடும் திறன் மற்றும் வாடகைக் கால அளவு ஆகியவற்றைப் பொறுத்து மாறுபடுகிறது. குறைந்தபட்சம் $1,600 (சுமார் ₹1,35,000) முதல், அதிகபட்சம் $116,000 (சுமார் ₹98 லட்சம்) வரை கட்டணம் வசூலிக்கப்படுகிறது. சில சந்தர்ப்பங்களில், உறவு நெருக்கமான பிறகு திருமணம் வரை நடப்பதும் உண்டு.
லாவெர்ட் ஏ. இம்மானுவேல் எழுதிய "Thai Taboo: The Rise of Wife Rental in Modern Society" என்ற புத்தகம், இந்த நடைமுறையின் வரலாற்று, சமூக மற்றும் பொருளாதார அடிப்படைகளை வெளிப்படுத்துகிறது. தாய்லாந்து அரசு இந்த நடைமுறையை அதிகாரப்பூர்வமாக ஒப்புக்கொள்கிறது; ஆனால், இதை ஒழுங்குபடுத்தும் சட்டமோ அல்லது பாதுகாப்பு நடவடிக்கைகளோ இதுவரை இல்லை.
இந்த போக்குக்குப் பின்னால் பொருளாதார அவசியம், சமூக தனிமை, நகர்ப்புற வாழ்க்கையின் அழுத்தம் மற்றும் உணர்ச்சிபூர்வமான தேவைகள் போன்ற பல காரணிகள் இருக்கின்றன. ஜப்பான், தென்கொரியா போன்ற நாடுகளில் இது போன்ற தற்காலிக உறவு முறைகள் ஏற்கனவே பரவலாக உள்ள நிலையில், தாய்லாந்து அதை வணிகமயமாக்கியுள்ளது.
WHATSAPP CHANNEL
GOOGLE NEWS
