ராகு-கேது பெயர்ச்சி 2026: துலாம் முதல் மீனம் வரை யாருக்கு திடீர் ஜாக்பாட்?

ஜோதிடத்தில் ராகு மற்றும் கேது ஆகிய இரண்டு கிரகங்களும் நிழல் கிரகங்களாகக் கருதப்படுகின்றன. இவற்றிற்கு சொந்த ராசி இல்லை என்றாலும், அவை இருக்கும் ராசியே அவற்றின் வீடாகும். இவை ஒரு ராசியில் சுமார் 18 மாதங்கள் வரை இருக்கும். அந்த வகையில், 2026 டிசம்பர் 5 ஆம் தேதி இரவு 8:03 மணிக்கு ராகு மற்றும் கேது ஆகிய இருவரும் தங்கள் ராசிகளை மாற்றவுள்ளனர். இந்த பெயர்ச்சியின் போது ராகு சனி பகவானைப் போலவும், கேது சந்திரனைப் போலவும் செயல்படுவார்கள்.

இந்த ராகு-கேது பெயர்ச்சியின் தாக்கம் அனைத்து ராசிக்காரர்களின் வாழ்க்கையிலும் காணப்படும். ஏற்கனவே மேஷம் முதல் கன்னி வரையிலான ராசிகளுக்கான பலன்களைப் பார்த்துவிட்டோம். இப்போது, துலாம் முதல் மீனம் வரையிலான ராசிக்காரர்களுக்கு இந்த பெயர்ச்சி எப்படி இருக்கப் போகிறது என்பதை ஜோதிடர் ஜெயலட்சுமி விளக்கியுள்ளார்.

துலாம்

துலாம் ராசியின் ராகு 4-ஆம் வீட்டிலும், கேது 10-ஆம் வீட்டிலும் பயணிக்கும். இதனால் பிரச்சனைகள் படிப்படியாகக் குறையும். வீடு, வாகனம் வாங்கும் யோகம் கிடைக்கும். பழைய கடன்கள் அடைபடும், புதிய கடன் வாங்கி சுப காரியங்களுக்கு செலவு செய்ய நேரிடும். வரவுகளும் சேமிப்பும் அதிகரிக்கும். தொழில் முன்னேற்றம் ஏற்படும், தடைபட்ட காரியங்கள் வெற்றிகரமாக முடியும்.

விருச்சிகம்

விருச்சிக ராசியின் 3-ஆம் வீட்டில் பயணிக்கும் ராகுவால் புதிய வேலை, தொழில் முயற்சிகளில் வெற்றி கிடைக்கும். வேலையில் இருந்த மன அழுத்தம் நீங்கும். கேது 9-ஆம் வீட்டில் பயணிப்பதால் ஆன்மீக பயணங்கள் கிடைக்கும். குடும்ப விவகாரங்கள் மற்றும் பூர்வீக சொத்து தொடர்பான முடிவுகளில் கவனம் தேவை.

தனுசு

தனுசு ராசியின் 2-ஆம் வீட்டில் ராகு பயணிப்பதால் வாக்கு கொடுத்து சிக்கிக் கொள்ளாமல், நிதானமாகப் பேச வேண்டும். கோபத்தைத் தவிர்க்கவும். பண வரவு அதிகரிக்கும். கணவன்-மனைவி பிரச்சனைகள் நீங்கும், சுப காரியங்களில் தடைகள் விலகும். கேது 8-ஆம் வீட்டில் பயணிப்பதால் சிறு தூரப் பயணங்கள் ஏற்படும், அதன் மூலம் தொழிலை மேம்படுத்தலாம்.

மகரம்

மகர ராசியின் ஜென்ம ராசியில் பயணிக்கும் ராகு, சில நேரங்களில் மன அழுத்தத்தை ஏற்படுத்தலாம். புதிய முடிவுகளில் கவனம் தேவை. டிசம்பர் முதல் பயணிக்கும் ராகு, இப்போது யோகத்தை வாரி வழங்குவார். புதிய முயற்சிகள் வெற்றியடையும், வீட்டுத் தேவைகள் பூர்த்தியாகும், நீண்டகால கனவுகள் நிறைவேறும். குடும்பப் பிரச்சனைகள் தீரும். கேது 7-ஆம் வீட்டில் பயணிப்பதால் பண வருமானம் அதிகரித்தாலும், தேவையற்ற செலவுகளைக் குறைக்க வேண்டும். குடும்பத்தில் சுப நிகழ்ச்சிகள் நடைபெறும்.

கும்பம்

கும்ப ராசியின் 12-ஆம் வீட்டில் பயணிக்கும் ராகு, சுப செலவுகளை ஏற்படுத்தும். மனதில் இருந்த எதிர்மறை எண்ணங்கள், மன உளைச்சல் விலகும். கெட்ட பெயர் நீங்கும். வீடு, வாகனம் வாங்கும் யோகம், சிலருக்கு குழந்தை பாக்கியம் கிடைக்கும். கேது 6-ஆம் வீட்டில் பயணிப்பதால் கடன், நோய் பிரச்சினைகள் முடிவுக்கு வரும். தொழிலை விரிவாக்கி லாபம் அடையலாம்.

மீனம்

மீன ராசியின் 11-ஆம் வீட்டில் பயணிக்கும் ராகு, பண வரவை அதிகரிக்கும். தைரியமும், தன்னம்பிக்கையும் அதிகரிக்கும். குடும்பத்தில் மகிழ்ச்சி, கணவன்-மனைவிக்குள் நிம்மதி அதிகரிக்கும். பெண்களுக்கு பொன் சேர்க்கை உண்டாகும், சிலருக்கு வெளிநாட்டு வாய்ப்பு கிடைக்கும். புதிய தொழில் தொடங்க வழி கிடைக்கும். கேது 12-ஆம் வீட்டில் பயணிப்பதால் குல தெய்வ வழிபாடு அதிகரிக்கும். ஆன்மீக வழிபாடு மன அமைதியைத் தரும்.