இந்திய மகளிர் கிரிக்கெட் அணியின் புதிய கேப்டனாக ஸ்மிருதி மந்தனா நியமனம்: பிசிசிஐ அதிகாரப்பூர்வ அறிவிப்பு

இந்திய மகளிர் கிரிக்கெட் அணியின் புதிய கேப்டனாக 30 வயதான நட்சத்திர வீராங்கனை ஸ்மிருதி மந்தனா நியமிக்கப்பட்டுள்ளதாக இந்திய கிரிக்கெட் கட்டுப்பாட்டு வாரியம் (பிசிசிஐ) அறிவித்துள்ளது.

அனைத்து வடிவிலான போட்டிகளுக்கான கேப்டன் பொறுப்பிலிருந்து ஹர்மன்பிரீத் கவுர் விலகுவதாக அறிவித்த சில மணி நேரங்களிலேயே இந்த முக்கிய முடிவை பிசிசிஐ வெளியிட்டுள்ளது.

இதனைத் தொடர்ந்து, ஸ்மிருதி மந்தனா தலைமையில் ஜிம்பாப்வே அணிக்கு எதிரான டி20 மற்றும் ஒருநாள் தொடர்களில் பங்கேற்கும் இந்திய மகளிர் அணியும் அறிவிக்கப்பட்டுள்ளது.

இவ்விரு அணிகளுக்கும் இடையிலான டி20 தொடர் வரும் 16ஆம் தேதியும், ஒருநாள் போட்டித் தொடர் 23ஆம் தேதியும் தொடங்கவுள்ளன. ஏற்கனவே 4 ஒருநாள் போட்டிகள் மற்றும் 18 டி20 போட்டிகளில் இந்திய அணிக்கு தற்காலிகமாகத் தலைமையேற்றுள்ள ஸ்மிருதி மந்தனா, தற்போது முழுநேர கேப்டனாகப் பொறுப்பேற்றுள்ளார்.

மகளிர் பிரீமியர் லீக் (WPL) தொடரில் பெங்களூரு அணியை வழிநடத்தி இரண்டு முறை சாம்பியன் பட்டம் வென்ற அனுபவம் கொண்டவர் ஸ்மிருதி மந்தனா.

தனது அதிரடியான பேட்டிங் திறமை மற்றும் சிறந்த தலைமைத்துவப் பண்புகளால் அறியப்படும் அவரது தலைமையில், இந்திய மகளிர் கிரிக்கெட் அணி புதிய சாதனைகளைப் படைக்கும் என்ற எதிர்பார்ப்பு ரசிகர்கள் மத்தியில் எழுந்துள்ளது.