ஜோதிடத்தில் அறிவுக்கூர்மை, வாக்குவன்மை, வர்த்தகம், கல்வி மற்றும் தொழில் மேன்மைக்குரிய கிரகமாக புதன் பகவான் விளங்குகிறார். ஒருவரது சிந்தனைத் திறன், செயல் திட்டங்கள் மற்றும் பொருளாதார விவகாரங்களில் புதனின் அமைவிடம் தீர்மானிக்கும் சக்தியாக உள்ளது. இதனால் புதனின் வக்ர நிவர்த்தி, அஸ்தமனம் மற்றும் உதய நிலைகள் முக்கியத்துவம் பெறுகின்றன. வரும் 2026 நவம்பர் 11 அன்று விருச்சிக ராசியில் புதன் உதயமாக உள்ள நிலையில், அதன் தாக்கத்தால் தொழில் மற்றும் பொருளாதார ரீதியாக நற்பலன்களைப் பெறவுள்ள மூன்று ராசிகள் குறித்து விரிவாகப் பார்ப்போம்.
மிதுனம்: ராசி அதிபதியான புதனின் இந்த இயக்கம் மிதுன ராசியினருக்கு முன்னேற்றப் பாதையை உருவாக்கும். தொடக்கத்தில் சில தடைகள் ஏற்பட்டாலும், விடாமுயற்சியால் இலக்குகளை அடைய முடியும். வர்த்தகம் மற்றும் தொழில் துறையில் புதிய தொடர்புகளும் கூட்டு முயற்சிகளும் கைகூடும். தன்னம்பிக்கையுடன் முடிவெடுப்பதுடன், நிதிநிலையை முறையாகக் கையாண்டு புதிய வாகனம் அல்லது சொத்து சார்ந்த திட்டங்களை முன்னெடுக்கலாம். சமூகத்தில் நன்மதிப்பும் வெளியூர் பயணங்களுக்கான வாய்ப்புகளும் ஏற்படும்.
மகரம்: உத்தியோகத்தில் இருப்பவர்களுக்குப் பதவி உயர்வு, ஊதிய உயர்வு மற்றும் செயல்திறனுக்கான அங்கீகாரம் கிடைக்க வாய்ப்புள்ளது. வேலை தேடுபவர்களுக்குச் சாதகமான சூழல் நிலவும். வணிகத் துறையினர் புதிய வாடிக்கையாளர்களைப் பெறுவதுடன் வர்த்தகத்தை விரிவுபடுத்தலாம். இருப்பினும் பெரிய முதலீடுகளில் நிதானம் தேவை. குடும்பத்தில் கருத்து வேறுபாடுகளைத் தவிர்த்து மனம் விட்டுப் பேசுவது உறவை வலுப்படுத்தும்.
கும்பம்: தொழில் மற்றும் தனிப்பட்ட வளர்ச்சியில் புதிய மாற்றங்கள் ஏற்படும். பணிகளைத் திட்டமிட்டு முடிப்பதன் மூலம் உயர் அதிகாரிகளின் பாராட்டைப் பெறலாம். புதிய பொறுப்புகள் தேடிவரும். வர்த்தகர்களுக்குப் புதிய ஒப்பந்தங்கள் மற்றும் வருமான வாய்ப்புகள் உருவாகும். அவசர முதலீடுகளைத் தவிர்த்து, குடும்பத்தினருடன் போதுமான நேரத்தைச் செலவிட்டு அமைதியை நிலைநாட்டுவது அவசியம்.
