அதிர்ஷ்டம் தரும்  ராஜயோகம்: அக்டோபர் 8 முதல் இந்த 3 ராசிகள் தொட்டதெல்லாம் பொன்னாகும்!

நவகிரகங்களில் சுப நாயகனாகவும், தேவர்களின் வழிகாட்டியாகவும் போற்றப்படும் குரு பகவான், ஒரு மனிதனின் ஜாதகத்தில் அதிர்ஷ்டம், ஞானம், தன வரவு மற்றும் ஆன்மீக எழுச்சியின் காரணியாக விளங்குகிறார். தனுசு மற்றும் மீன ராசிகளின் அதிபதியான குரு பகவான், தற்போது தனது உச்ச வீடான கடக ராசியில் சஞ்சரித்து வருகிறார். 

ஆண்டுக்கு ஒரு முறை ராசி மாற்றம் செய்யும் பிரகஸ்பதி, குறிப்பிட்ட கால இடைவெளிகளில் நட்சத்திரப் பாதங்களையும் மாற்றி ராசி மண்டலத்தில் பலவித திருப்பங்களை உருவாக்குவார். அந்த வகையில், தற்போது ஆயில்யம் நட்சத்திரத்தின் 3-ஆம் பாதத்தில் பயணித்து வரும் குரு பகவான், வரும் அக்டோபர் 08 அன்று ஆயில்யம் 4-ஆம் பாதத்திற்குள் பிரவேசிக்கவுள்ளார்.

குரு பகவானின் இந்த நட்சத்திரப் பாத மாற்றம் 12 ராசிகளிலுமே தாக்கத்தை ஏற்படுத்தினாலும், குறிப்பிட்ட 3 ராசிக்காரர்களின் வாழ்வில் நீண்ட நாட்களாக நீடித்து வந்த தடைகளையும் இன்னல்களையும் நீக்கி மகத்தான சுப பலன்களைத் தரவுள்ளது.

குறிப்பாக கடகம், ரிஷபம் மற்றும் மகர ராசியினருக்கு குருவின் பார்வை மற்றும் பலத்தால் சமூகத்தில் அந்தஸ்தும் தன லாபமும் பெருகவுள்ளது. இந்த அபூர்வ நட்சத்திர பெயர்ச்சியால் பிரம்மாண்ட நன்மைகளை அறுவடை செய்யப்போகும் ராசிகள் குறித்த விரிவான தொகுப்பு இதோ.

ரிஷபம்

ஆயில்யம் நட்சத்திரத்தின் 4-ஆம் பாதத்திற்குள் நுழையும் குரு பகவானால் ரிஷப ராசிக்காரர்களுக்கு அனுகூலமான பலன்கள் வரிசையாகக் கிட்டும். உங்களின் தைரியம், செயலாற்றல் மற்றும் தன்னம்பிக்கை பன்மடங்கு உயரும் காலகட்டமாக இது அமையும். நவகிரக குருவின் முழுமையான அருளால் அதிர்ஷ்டம் உங்கள் பக்கம் துணை நிற்கும். உத்தியோகத்தில் இருப்பவர்களின் கடின உழைப்பிற்கு நிர்வாகத்தின் முழு அங்கீகாரமும் பாராட்டும் கிடைக்கும். தொழில் மற்றும் வியாபாரத்தில் இதுவரை நிலவி வந்த தேக்க நிலைகள் மறைந்து, நிம்மதியும் பொருளாதார ஸ்திரத்தன்மையும் உருவாகும். குடும்பத்தில் வாழ்க்கைத் துணையுடன் இணக்கமான சூழல் நிலவி, மகிழ்ச்சியான தருணங்கள் அமையும்.

கடகம்

குரு பகவான் உச்சம் பெற்றுள்ள கடக ராசியிலேயே இந்த நட்சத்திரப் பெயர்ச்சி நிகழ்வதால், கடக ராசி அன்பர்களுக்கு வாழ்வில் பல்வேறு பரிமாணங்களில் அபரிமிதமான வளர்ச்சி ஏற்படும். உத்தியோகத்தில் இருப்பவர்களுக்குக் கூடுதல் அதிகாரங்களும் புதிய பொறுப்புகளும் தேடி வரும். திருமண வாழ்க்கையில் நிலவிய கருத்து வேறுபாடுகள் நீங்கி இல்லறத்தில் சுப மங்கல அமைதி தவழும். நீண்ட நாட்களாக வேலை வாய்ப்பை எதிர்பார்த்து காத்திருந்த இளைஞர்களுக்கு தகுதிக்கேற்ற நல்ல வேலை அமையும் யோகம் கூடிவந்துள்ளது. நிலுவையில் இருந்த பூர்வீக சொத்துக்கள் மற்றும் சட்ட ரீதியான விவகாரங்களில் உங்களுக்கு சாதகமான திருப்பங்களும் வெற்றியும் கிடைக்கும்.

மகரம்

குருவின் இந்த நட்சத்திர பாத மாற்றம் மகர ராசிக்காரர்களுக்கு யோக பலன்களை வாரி வழங்கவுள்ளது. நெடுநாட்களாக தடைப்பட்டு நின்ற காரியங்கள் அனைத்தும் இனி மளமளவென சுபமாக முடிவடையும். திருமணப் பேச்சுகளில் இருந்த தடைகள் அகன்று, தகுந்த வரன் கை கூடிவரும் சுப யோகம் உண்டாகும். பணியிடத்தில் உங்களின் செல்வாக்கு உயர்ந்து பதவி உயர்வு அல்லது ஊதிய உயர்வு தொடர்பான நற்செய்திகள் வந்து சேரும். சமூகத்திலும் குடும்ப உறவுகளுக்கு மத்தியிலும் மதிப்பும் கௌரவமும் அதிகரிக்கும். புதிய தொழில் மற்றும் வியாபார முயற்சிகளில் திட்டமிட்டு செயல்படுவதன் மூலம் எதிர்பார்த்ததை விட கூடுதல் லாபத்தை ஈட்ட முடியும்.