இந்தியா அரையிறுதிக்கு நேரடியாக தகுதி? 4 வீரர்களை சேர்க்க காரணம் இதுதான்!
டி20 உலகக் கோப்பை 2024 தொடரின் லீக் போட்டிகள் அனைத்தும் அமெரிக்காவிலும், சூப்பர் 8, அரையிறுதி மற்றும் இறுதிப் போட்டியானது மேற்கிந்தியத் தீவுகளிலும் நடைபெறும்.
superadmin 
டி20 உலகக் கோப்பை 2024 தொடரின் லீக் போட்டிகள் அனைத்தும் அமெரிக்காவிலும், சூப்பர் 8, அரையிறுதி மற்றும் இறுதிப் போட்டியானது மேற்கிந்தியத் தீவுகளிலும் நடைபெறும்.
இந்திய அணி குரூப் ஏ பிரிவில் இடம்பெற்றுள்ளது. இந்த பிரிவில் இந்திய அணியுடன் பாகிஸ்தான், கனடா, அமெரிக்கா, அயர்லாந்து ஆகிய அணிகளும் இடம்பெற்றுள்ளன.
குரூப் ஏ பிரிவில் இந்திய அணி முதலிடம் பிடிக்கத்தான் அதிக வாய்ப்புகள் இருக்கிறது. இந்த குரூப் ஏ பிரிவில் முதலிடம் பிடிக்கும் அணியானது, சூப்பர் 8 பிரிவில் விளையாடும் ஆட்டங்கள் அனைத்தும் இரவு 8 மணிக்கு நடக்கும் வகையில் இருக்கிறது.
இந்திய அணியில், 4 ஸ்பின்னர்கள் சேர்க்கப்பட்டுள்ளனர். இதற்கு, இந்திய ரசிகர்கள் கடும் அதிருப்தியை வெளிப்படுத்தி வரும் நிலையில், சூப்பர் 8, அரையிறுதிப் போட்டிகள் எங்கெங்கு நடக்கப் போகிறது என்பதை தெரிந்துகொண்டுதான், 4 ஸ்பின்னர்களை சேர்த்திருப்பதாக கிரிக்கெட் விமர்சகர்கள் கூறுகிறார்கள்.
லீக் சுற்றில், குரூப் ஏ பிரிவில் இந்தியா முதலிடம் பிடிக்கும் பட்சத்தில், சூப்பர் 8 சுற்றில், இந்தியா விளையாடும் ஆட்டங்கள் அனைத்தும் இந்திய நேரப்படி இரவு 8 மணிக்குதான் துவங்கும். மேற்கிந்தியத் தீவுகள் நேரப்படி காலை 10;30 மணிக்கு ஆரம்பமாகும். இதில்தான் சூட்சமம் இருக்கிறது.
மேற்கிந்தியத் தீவுகள் நாட்டில், தற்போது கோடை காலம்தான். அங்கு காலை 10;30 மணிக்கு எல்லாம், பிட்ச் வறண்டு காணப்படும். இதனால், அங்கு வேகப்பந்து வீச்சாளர்கள் தாக்கத்தை ஏற்படுத்த முடியாது. ஸ்பின்னர்கள்தான் முழு ஆதிக்கம் செலுத்துவார்கள்.
இதனால்தான், இந்திய அணியில் 4 ஸ்பின்னர்களை சேர்த்திருப்பதாக கூறப்படுகிறது. இதன்மூலம், குரூப் ஏ பிரிவில் இந்தியா முதலிடம் பிடிக்கும் என்பதை முன்கூட்டியே முடிவு செய்திருப்பதாக குற்றச்சாட்டு எழுந்துள்ளது.
முதல் அரையிறுதிக்கு மட்டுமே, ரிசர்வ் டே இருக்கிறது. இப்போட்டி இரவு 8 மணிக்கு துவங்கும். இரண்டாவது அரையிறுதிக்கு ரிசர்வ் டே கிடையாது. இப்போட்டி, இந்திய நேரப்படி காலை 6 மணிக்கு துவங்கும்.
முதல் அரையிறுதிப் போட்டி, மேற்கிந்தியத் தீவுகள் நேரப்படி காலை 10;30 மணிக்கு துவங்கும். இதில் ஸ்பின்னர்கள் சிறப்பாக செயல்பட முடியும்.
இதனை முன்கூட்டியே தெரிந்துகொண்டுதான், இந்தியா 4 ஸ்பின்னர்களை சேர்த்திருப்பதாகவும், இந்தியா முதல் அரையிறுதியில் விளையாடுவது முன்கூட்டியே தீர்மானிக்கப்பட்டதுதான் என வெளிநாட்டு கிரிக்கெட் விமர்சகர்கள் விமர்சித்து வருகிறார்கள்.
|
நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP இல் இணையுங்கள் JOIN NOW |
