தோல்வியில் முடிவடைந்த பாகிஸ்தான் அணி நடத்திய "நாடகம்" நடந்தது என்ன?

ஆசிய கோப்பைப் போட்டியில் பாகிஸ்தான் அணி நடத்திய "நாடகம்" தோல்வியில் முடிவடைந்தது. இந்தப் போட்டியில் பாகிஸ்தானின் அரசியல் காரணமாகப் பல சர்ச்சைகள் நிகழ்ந்துள்ளன. இந்தியா, பாகிஸ்தான் அணிகளுக்கு இடையிலான ஆட்டத்தில் இந்திய அணியின் கேப்டன் சூர்யகுமார் யாதவ் டாஸ் வீசப்பட்டபோது பாகிஸ்தான் கேப்டனுடன் கைகுலுக்கவில்லை.

போட்டி முடிவில் இந்தியா ஏழு விக்கெட்டுகள் வித்தியாசத்தில் வெற்றி பெற்றபோதும், இந்திய வீரர்கள் பாகிஸ்தான் வீரர்களுடன் கைகுலுக்க மறுத்தது தற்போது சர்ச்சைக்குக் காரணமாகக் கூறப்படுகிறது. பரிசளிக்கும் நிகழ்ச்சியில் கேப்டன் சூர்யகுமார், பஹல்காம் தாக்குதல் சம்பவம் குறித்துப் பேசியது பாகிஸ்தானை மேலும் எரிச்சலடையச் செய்தது. 

அப்போதைய தகவல்களின்படி, ஜிம்பாப்வேயைச் சேர்ந்த போட்டி நடுவர் ஆண்டி பயகிராஃப்ட் தான் இரு அணி கேப்டன்களும் கைகுலுக்க வேண்டாம் என்று கூறியிருக்கிறார். ஒரு பாகிஸ்தான் வீரர் சூர்யகுமாரைப் "பன்றி" என்று பேசியதாகவும், இதற்கு முன்னாள் வீரர் ஒருவர் பாகிஸ்தான் வீரர்களுக்குப் படிப்பறிவு குறைவு என்று கடுமையாக விமர்சித்ததாகவும் தகவல்கள் வெளியாகியுள்ளன.

இந்தச் சம்பவங்களால் கோபமடைந்த பாகிஸ்தான், ஆண்டி பயகிராஃப்ட் மாற்றப்பட்டால் மட்டுமே ஆசியக் கோப்பைப் போட்டியில் தொடர்வோம் என்றும், இல்லையென்றால் போட்டியிலிருந்து விலக முடிவெடுத்திருப்பதாகவும் எச்சரித்தது. இதனால் இந்தப் போட்டி நடைபெறுமா இல்லையா என்ற உச்சகட்டக் குழப்பம் ஏற்பட்டது. இந்திய நேரப்படி டாஸ் 7:30 மணிக்கு வீசப்பட வேண்டிய நிலையில், போட்டி 9 மணிக்குத்தான் தொடங்கியது. இந்த இடைப்பட்ட நேரத்தில் ஆண்டி பயகிராஃப்டை மாற்ற பாகிஸ்தான் எடுத்த முயற்சி தோல்வியில் முடிந்தது.

பாகிஸ்தான் ஒருவேளை ஆட்டத்தில் இருந்து வெளியேறியிருந்தால், பாகிஸ்தான் கிரிக்கெட் வாரியத்திற்கு சுமார் 200 கோடி ரூபாய் நஷ்டம் ஏற்பட்டிருக்கும். மேலும், ஐசிசி தலைவராக ஜெய் ஷா இருக்கும் நிலையில், பாகிஸ்தானின் இந்தக் கோரிக்கை எடுபடாது என்றும் கூறப்படுகிறது.

இந்தத் தேவையில்லாத "நாடகத்தை" பாகிஸ்தான் ஏன் நடத்தியது என்ற விவாதங்கள் எழுந்தன. இதற்குக் காரணம், இந்தியாவிடம் தொடர்ந்து அடைந்த தோல்விதான். பரிசளிக்கும் நிகழ்ச்சியில் சூர்யகுமார் யாதவ் பேசிய பேச்சும் பாகிஸ்தானில் அதிர்வலைகளை ஏற்படுத்தியது. இந்தப் பிரச்சினையிலிருந்து கவனத்தைத் திசை திருப்பவும், தோல்வியிலிருந்து தங்களைக் காப்பாற்றிக்கொள்ளவும் தான் பாகிஸ்தான் கிரிக்கெட் வாரியம் தேவையில்லாமல் இப்படி ஒரு நாடகத்தை நடத்தியதாகச் செய்திகள் வெளியாகி உள்ளன. 

பாகிஸ்தான் நடத்திய இந்த "நாடகம்" தேவையற்றது என்றும், தற்போது ஆண்டி பயகிராஃப்ட் நடுவராகத் தொடர்வது பாகிஸ்தானுக்கு நேர்ந்த அவமானம்தான் என்றும் ரசிகர்கள் கூறி வருகின்றனர்.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS