மகரத்தில் உருவாகும் இரட்டை ராஜயோகம்.! ஆபூர்வ கிரக சேர்க்கையால் உச்சக்கட்ட பலன்களைப் பெறப்போகும் 5 ராசிகள்.!

2026 ஆம் ஆண்டு ஜனவரி மாதம் ஜோதிட ரீதியாக மிக முக்கியமான காலகட்டமாக கருதப்படுகிறது. குறிப்பாக மகர ராசியில் நடைபெறும் அபூர்வ கிரக மாற்றங்கள் பலரது வாழ்க்கையில் பெரும் திருப்பங்களை ஏற்படுத்த உள்ளன. தைரியம், வீரியம் மற்றும் சக்தியின் காரகராக விளங்கும் செவ்வாய் பகவான், 2026 ஜனவரி 16ஆம் தேதி தனது உச்ச ராசியான மகரத்தில் நுழைந்துள்ளார். ஏற்கனவே மகர ராசியில் சூரியன் மற்றும் சுக்கிரன் அமர்ந்துள்ள நிலையில், செவ்வாய் பகவானின் வருகையால் திரிகிரக யோகம் உருவாகியுள்ளது.

மேலும், செவ்வாய் பகவான் தனது உச்ச வீடான மகரத்தில் சஞ்சரிப்பதால் மிக சக்திவாய்ந்த ருச்சக ராஜயோகம் உருவாகிறது. இந்த இரட்டை ராஜயோகங்கள் ஒரே நேரத்தில் உருவாவதால், சில ராசிக்காரர்களுக்கு அதிர்ஷ்டம் உச்சத்தைத் தொடும் காலமாக இது அமையப்போகிறது. தொழில், திருமணம், செல்வம் மற்றும் சமூக அந்தஸ்து ஆகியவற்றில் பெரிய முன்னேற்றங்களை இந்த யோகங்கள் வழங்கும் என ஜோதிடர்கள் தெரிவிக்கின்றனர்.

இந்த இரட்டை ராஜயோகங்கள் மேஷ ராசிக்காரர்களுக்கு தொழிலைக் குறிக்கும் பத்தாம் வீட்டில் உருவாகுவதால், அவர்களின் தொழில் வாழ்க்கையில் மிகப் பெரிய மாற்றங்கள் நிகழும். பணியில் இருப்பவர்கள் நீண்ட காலமாக எதிர்பார்த்து காத்திருந்த பதவி உயர்வையும், சம்பள உயர்வு தொடர்பான நல்ல செய்திகளையும் பெறலாம். பணியிடத்தில் தலைமைத் திறன் வெளிப்பட்டு, உயரதிகாரிகளின் பாராட்டும் அங்கீகாரமும் கிடைக்கும். அரசுப் பணிக்காக முயற்சி செய்பவர்களுக்கு சாதகமான தகவல்கள் வரும். ஏற்கனவே அரசு பணியில் இருப்பவர்களுக்கு குறிப்பிடத்தக்க மதிப்பும் மரியாதையும் கிடைக்கும். இதுவரை செய்த கடின உழைப்புக்கான பலன்கள் இரட்டிப்பாக கிடைக்கும் காலமாக இது அமையும்.

கடக ராசிக்காரர்களுக்கு இந்த இரட்டை ராஜயோகங்கள் திருமண வாழ்க்கை மற்றும் கூட்டுத் தொழிலை குறிக்கும் ஏழாம் வீட்டில் உருவாகுகின்றன. இதனால் கணவன்-மனைவிக்கிடையே இருந்த மனக்கசப்புகள் நீங்கி, உறவில் அன்யோன்யம் அதிகரிக்கும். திருமணத்திற்காக வரன் தேடிக் கொண்டிருப்பவர்களுக்கு மனதிற்கு பிடித்த நல்ல வரன் அமையும். கூட்டுத் தொழிலில் ஈடுபட்டிருப்பவர்கள் எதிர்பாராத அளவுக்கு லாபம் பெறுவார்கள். சமூகத்தில் உங்கள் மதிப்பும் மரியாதையும் கணிசமாக உயரும்.

கன்னி ராசிக்காரர்களுக்கு இந்த ராஜயோகங்கள் ஐந்தாம் வீடான பூர்வ புண்ணிய ஸ்தானத்தில் உருவாகுவதால், பல வகையான நன்மைகள் கிடைக்கும். பிள்ளைகள் தொடர்பாக மகிழ்ச்சியான செய்திகள் வரலாம். மாணவர்கள் போட்டித் தேர்வுகளில் சிறந்த வெற்றிகளைப் பெறுவார்கள். உயர்கல்வி மற்றும் மேற்படிப்பிற்கான வாய்ப்புகள் தானாகவே தேடி வரும். பங்குச் சந்தை மற்றும் முதலீடுகள் மூலம் எதிர்பாராத பண வரவு கிடைக்கும். காதல் வாழ்க்கையில் இனிமை கூடும். திருமணமானவர்களுக்கு குடும்ப வாழ்க்கை மகிழ்ச்சிகரமாக மாறும்.

விருச்சிக ராசிக்காரர்களுக்கு இந்த இரட்டை ராஜயோகங்கள் மூன்றாம் வீட்டில் உருவாகுகின்றன. இது தைரியத்தையும் மன உறுதியையும் குறிக்கும் ஸ்தானமாகும். எனவே இந்த காலகட்டத்தில் தன்னம்பிக்கை அதிகரித்து, சவால்களை துணிச்சலுடன் எதிர்கொள்ளும் மனநிலை உருவாகும். தொழில் காரணமாக மேற்கொள்ளும் பயணங்கள் நல்ல நிதி ஆதாயங்களை பெற்றுத் தரும். உடன் பிறந்தவர்களுடன் இருந்த கருத்து வேறுபாடுகள் மறைந்து, முழுமையான ஒத்துழைப்பு கிடைக்கும். ஐடி, ஊடகம் மற்றும் தொடர்புத் துறையில் பணிபுரிபவர்களுக்கு இது மிகச் சிறந்த காலமாக அமையும்.

மகர ராசிக்காரர்களுக்கு இந்த ராஜயோகங்கள் லக்ன ஸ்தானமான முதல் வீட்டில் உருவாவதால், இரட்டிப்பு மகிழ்ச்சியும் பலன்களும் கிடைக்கும். உங்கள் தோற்றத்திலும் பேச்சிலும் ஆளுமைத் திறன் அதிகரிக்கும். சரியான முடிவுகளை எடுத்து, வாழ்க்கையில் வெற்றிகளைப் பெறுவீர்கள். புதிய தொழில் தொடங்கும் எண்ணம் கொண்டவர்கள் தைரியமாக அதை செயல்படுத்தலாம். தொடங்கும் தொழிலில் மிகப் பெரிய வெற்றியும் லாபமும் கிடைக்கும். எதிர்பாராத வகையில் பல வழிகளில் இருந்து பணம் வந்து சேரும். சமூகத்தில் உங்கள் அந்தஸ்தும் செல்வாக்கும் கணிசமாக உயரும் காலமாக இது அமையும்.

இந்தக் கட்டுரையில் வழங்கப்பட்டுள்ள தகவல்கள் ஜோதிடக் கருத்துக்கள், மத நூல்கள் மற்றும் பஞ்சாங்கக் கணிப்புகளை அடிப்படையாகக் கொண்டவை. இவை தகவல் நோக்கத்திற்காக மட்டுமே வழங்கப்படுகின்றன.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS