நிகழும் பராபவ வருடத்தில், திருக்கணித பஞ்சாங்கத்தின் அடிப்படையில் எதிர்வரும் 2026 ஆம் ஆண்டு டிசம்பர் 05 ஆம் திகதி ராகு கேது பெயர்ச்சி நிகழவுள்ளது. இதன் பிரகாரம், கேது பகவான் சிம்ம ராசியிலிருந்து கடக ராசிக்கும், ராகு பகவான் கும்ப ராசியிலிருந்து மகர ராசிக்கும் பெயர்ச்சியாகவுள்ளனர். சுமார் 18 மாதங்களுக்குப் பின்னர் நிகழும் இந்தப் பெயர்ச்சியானது குறிப்பிட்ட சில ராசிக்காரர்களின் வாழ்க்கையில் மிகப்பெரிய அளவிலான மாற்றங்களையும் நன்மைகளையும் கொண்டு வரவுள்ளதாக ஜோதிட நம்பிக்கையின் அடிப்படையில் கணிக்கப்பட்டுள்ளது.
மேஷம்: மேஷ ராசிக்காரர்களுக்குப் பத்தாம் இடத்திற்கு ராகுவும், நான்காம் இடத்திற்கு கேதுவும் வரக்கூடிய காலகட்டமாக இது அமையவுள்ளது. இதன் காரணமாக, மனதில் இருந்து வந்த பயம் விலகி தன்னம்பிக்கையும் தைரியமும் அதிகரிக்கும். தொழில் மற்றும் வேலை செய்யும் இடங்களில் இருந்து வந்த பிரச்சினைகள் நீங்கி, உங்களது திறமைகள் வெளிப்படும். பணியிடத்தில் எதிர்பார்த்த இடமாற்றமும் பதவி உயர்வும் கிடைப்பதற்கான வாய்ப்புகள் உள்ளன. வாழ்க்கைத் துணையின் வார்த்தைகளுக்கு அதிக மதிப்பளித்துச் செயற்படுவீர்கள். வீடு மற்றும் வாகனங்களைப் புதுப்பிக்கும் யோகம் உண்டாவதுடன், இனிமையான பேச்சினால் இல்லங்களில் மகிழ்ச்சி நிலவும். கூட்டுத் தொழிலிலும் சிறந்த முன்னேற்றம் காணப்படும்.
ரிஷபம்: ரிஷப ராசிக்காரர்களுக்கு ஒன்பதாம் இடத்திற்கு ராகுவும், மூன்றாம் இடத்திற்கு கேதுவும் பெயர்ச்சியாகின்றனர். இக்காலகட்டத்தில் தேவையற்ற புறம்பேசும் நபர்களைத் தள்ளி வைப்பது நன்மை தரும். எந்தவொரு செயலையும் முறையாகத் திட்டமிட்டு, நேரம் தவறாமல் செய்து முடிப்பது மிகவும் அவசியமாகும். குழந்தைகளால் பெருமைகளும் மகிழ்ச்சியும் உண்டாகும். சுபகாரியப் பேச்சுவார்த்தைகள் கைகூடி வருவதுடன், வீடு மற்றும் வாகனம் வாங்கும் அல்லது விற்கும் யோகமும் உருவாகும். செய்யும் தொழிலில் சிறப்பான இலாபம் கிடைத்தாலும், யாருடைய வற்புறுத்தலுக்காகவும் அனுபவமில்லாத புதிய தொழில்களில் முதலீடு செய்வதைத் தவிர்த்து மிகவும் அவதானமாக இருக்க வேண்டும். அத்துடன், அரசாங்கம் மற்றும் அரசியல் சார்ந்த விடயங்களில் மிகுந்த கவனத்துடன் தலையிடுவது அவசியமாகும்.
விருச்சிகம்: விருச்சிக ராசிக்காரர்களுக்கு மூன்றாம் இடத்தில் ராகுவும், ஒன்பதாம் இடத்தில் கேதுவும் சஞ்சரிக்கவுள்ள காலகட்டமாக இது அமைகிறது. இக்காலப்பகுதியில் சோம்பலைத் தவிர்த்து மிகவும் சுறுசுறுப்பாகச் செயற்படுவீர்கள். வெளிநாடு மற்றும் வெளியூர் பயணங்களுக்கான வாய்ப்புகள் உருவாகும். அனுபவம் வாய்ந்தவர்களின் ஆலோசனைகள் உங்களுக்குப் பக்கபலமாக அமையும். இல்லங்களில் இனிமையான சூழல் உருவாவதுடன், உறவினர்கள் மற்றும் நண்பர்கள் உங்கள் குடும்ப விடயங்களில் தலையிடாமல் பார்த்துக் கொள்வது உங்களுக்கு நன்மையைத் தரும். சுபகாரியத் தடைகள் விலகி, ஆடை ஆபரணச் சேர்க்கை உண்டாகும். பூர்வீக சொத்துக்கள் மூலம் நல்ல இலாபம் கிடைக்கும். மாணவர்கள் படிப்பில் தேவையற்ற நேரத்தை வீணடிக்காமல் கவனத்துடன் கல்வி கற்பதன் மூலம் உயரிய நிலையை அடையலாம்.
Disclaimer (பொறுப்புத் துறப்பு): இது பொதுவான ஜோதிட வழிகாட்டுதல் மட்டுமே. இது மருத்துவ, நிதி, சட்ட அல்லது தொழில்முறை ஆலோசனை அல்ல. உங்கள் தனிப்பட்ட சூழ்நிலைக்கு ஏற்ப முக்கிய முடிவுகளை எடுக்கும்போது தகுதியான நிபுணரை அணுகுங்கள்.