தேசிய பொலிஸ் ஆணைக்குழுவின் அங்கீகாரத்திற்கு உட்பட்டு, ஆறு பிரதிப் பொலிஸ் மா அதிபர்களுக்கு (DIG) உடனடியாக அமுலுக்கு வரும் வகையில் இடமாற்றங்கள் வழங்கப்பட்டுள்ளன. பொலிஸ் மா அதிபர் பிரியந்த வீரசூரியவினால் இந்த இடமாற்றங்கள் மேற்கொள்ளப்பட்டுள்ளன.
இதற்கமைய, அரச புலனாய்வுச் சேவையின் பிரதிப் பொலிஸ் மா அதிபராகக் கடமையாற்றிய எச்.கே.ஆர். பெர்னாண்டோ, பொலிஸ் விசேட பிரிவிற்குப் பொறுப்பான பிரதிப் பொலிஸ் மா அதிபராக இடமாற்றம் செய்யப்பட்டுள்ளார்.
இதேவேளை, பொலிஸ் நலன்புரிப் பிரிவின் பிரதிப் பொலிஸ் மா அதிபராகக் கடமையாற்றிய டபிள்யூ.யூ. கினிகே, மத்திய குற்றப் புலனாய்வுப் பணியகத்திற்கும், மத்திய குற்றப் புலனாய்வுப் பணியகத்தின் தலைவராகக் கடமையாற்றிய கே.ஏ.ஜே. கொடித்துவக்கு, பொலிஸ் நலன்புரிப் பிரிவிற்கும் இடமாற்றம் செய்யப்பட்டுள்ளனர்.
மேலும், கேகாலை பிராந்திய பிரதிப் பொலிஸ் மா அதிபர் ஓஷான் ஹேவாவிதாரண யாழ்ப்பாணம் பிராந்தியத்திற்கும், யாழ்ப்பாணம் பிராந்திய பிரதிப் பொலிஸ் மா அதிபர் ஜி.எச். மரபன களுத்துறை பிராந்தியத்திற்கும் இடமாற்றம் செய்யப்பட்டுள்ளனர்.
அத்துடன், களுத்துறை பிராந்தியத்திற்குப் பொறுப்பான பிரதிப் பொலிஸ் மா அதிபராகக் கடமையாற்றிய டபிள்யூ.ஜே. பத்மினி, கேகாலை பிராந்தியத்திற்கு இடமாற்றம் செய்யப்பட்டுள்ளார்.