இலங்கையில் வாகனங்களின் விலைகள் 10 இலட்சம் ரூபாய் வரை குறைவு? வாகன இறக்குமதியாளர்கள் வெளியிட்ட தகவல்!
இலங்கையில் வாகனங்களின் விலைகள் சுமார் 10 இலட்சம் ரூபாவால் கணிசமாகக் குறைந்துள்ளதாக இலங்கை வாகன இறக்குமதியாளர்கள் சங்கத் தலைவர் இந்திக சம்பத் மெரிஞ்சிகே தெரிவித்துள்ளார்.
உள்ளூர் சந்தையில் சில வாகனங்களின் விலைகள் சுமார் 10 இலட்சம் ரூபாவால் கணிசமாகக் குறைந்துள்ளதாக இலங்கை வாகன இறக்குமதியாளர்கள் சங்கம் தெரிவித்துள்ளது.
கொழும்பில் நேற்று (16) நடைபெற்ற விசேட செய்தியாளர் சந்திப்பில் கலந்துகொண்டு கருத்து வெளியிட்டபோதே, அச்சங்கத்தின் தலைவர் இந்திக சம்பத் மெரிஞ்சிகே இந்த விடயத்தைக் குறிப்பிட்டார்.
சந்தையின் தற்போதைய சூழல் மற்றும் விநியோக நடைமுறைகளில் ஏற்பட்டுள்ள மாற்றங்களே இந்த விலைக் குறைப்புக்கு முக்கியக் காரணம் என அவர் சுட்டிக்காட்டினார்.
மேலும், இந்தச் சாதகமான மாற்றத்தின் காரணமாக எதிர்வரும் காலங்களில் வாகன சந்தையில் புதிய உற்சாகம் ஏற்படுவதுடன், வாகனப் பரிவர்த்தனைகளும் அதிகரிக்கும் என எதிர்பார்ப்பதாகவும் அவர் தெரிவித்தார்.
