தங்கம் விலை குறைந்தது.. இன்றைய நிலவரம் என்ன தெரியுமா?
வருடத்தின் தொடக்கத்தில் இருந்தே தங்கத்தின் விலை யாரும் எதிர்பார்க்காத வகையில் உயர்ந்து வருகின்றது. திடீரென ஏற்படும் போர் பதற்றம் காரணமாகவும் தங்கம் விலை உயர்ந்து பின்னர் குறைந்து வருகின்றது.
வரலாறு காணாத வகையில் கடந்த மாதம் 14-ந் தேதி தங்கம் விலை உயர்ந்து ஒரு கிராம் ரூ.9,320-க்கும், ஒரு சவரன் ரூ.74,560-க்கும் விற்பனையானது.
பின்னர் தங்கம் விலை தொடர்ந்து ஏற்ற, இறக்கத்துடன் காணப்பட்டு வருவதுடன், நேற்றுமுன்தினம் ஒரு பவுன் ரூ.72 ஆயிரத்து 80-க்கு விற்பனை செய்யப்பட்டது.
இந்த நிலையில், தங்கத்தின் விலை நேற்று சற்று உயர்ந்தது. ஒரு கிராம் தங்கம் ரூ.50 உயர்ந்து ரூ.9 ஆயிரத்து 60-க்கும், ஒரு பவுன் ரூ.400 உயர்ந்து ரூ.72 ஆயிரத்து 480-க்கும் விற்பனை செய்யப்பட்டது.
இதனையடுத்து, இன்று தங்கம் விலை சற்று குறைந்துள்ளது. அதன்படி சென்னையில் ஆபரணத் தங்கத்தின் விலை சவரனுக்கு ரூ.400 குறைந்து ஒரு சவரன் ரூ.72,000-க்கு விற்பனை செய்யப்படுகிறது.
தங்கம் விலை கிராமுக்கு ரூ.60 குறைந்து ஒரு கிராம் ரூ.9,000-க்கு விற்பனை செய்யப்படுகிறது. வெள்ளி விலையில் மாற்றமின்றி ஒரு கிராம் ரூ.120-க்கும், ஒரு கிலோ ரூ.1 லட்சத்து 20 ஆயிரத்திற்கும் விற்பனை செய்யப்பட்டு வருகிறது.
