தியோட்டருக்கு வந்த சங்கீதா விஜய்: வயதே ஆகாத இளமையின் ரகசியம் என்ன? வியப்பில் ஆழ்ந்த ரசிகர்கள்; முழு விபரம் இதோ!
மகன் ஜேசன் சஞ்சய் இயக்கிய 'சிக்மா' படத்தை பார்க்க தியேட்டருக்கு வந்த சங்கீதா விஜய்! மாறாத இளமையைப் பார்த்து வியந்த ரசிகர்கள்; முழு விபரம் இதோ.
தமிழ் திரையுலகின் முன்னணி நட்சத்திரமும் அரசியல் தலைவருமான ஜோசப் விஜய்யின் மனைவி சங்கீதா சொர்ணலிங்கம், நீண்ட இடைவெளிக்குப் பிறகு பொதுவெளியில் தோன்றியிருப்பது இணையத்திலும் சினிமா வட்டாரத்திலும் பெரும் பேசுபொருளாக மாறியுள்ளது.
தன் மகன் ஜேசன் சஞ்சய் இயக்கத்தில் வெளியாகியுள்ள 'சிக்மா' திரைப்படத்தின் முதல் நாள் முதல் காட்சியைப் பார்ப்பதற்காக, தனது மகள் திவ்யா சாஷாவுடன் சென்னை கமலா தியேட்டருக்கு சங்கீதா வருகை தந்தார். பல நாட்களாகப் பொது நிகழ்வுகளில் தலைகாட்டாமல் இருந்த அவரைத் திரையரங்கில் நேரில் கண்ட ரசிகர்கள் மிகுந்த உற்சாகத்துடன் வரவேற்றனர்.
அதேவேளை, எவ்வித மேக்கப்பும் இன்றி இயல்பான தோற்றத்தில் காட்சியளித்த சங்கீதாவைப் பார்த்த பலரும், 50 வயதைக் கடந்த நிலையிலும் திருமண நாளன்று பார்த்தது போன்றே என்றும் மாறாத இளமையுடன் இருப்பதாக ஆச்சரியம் தெரிவித்து வருகின்றனர்.
நடிகை த்ரிஷாவின் இளமை குறித்துப் பலரும் வியந்து பேசி வரும் சூழலில், இரு பிள்ளைகளின் தாயான சங்கீதாவின் இந்தத் தோற்றம் மற்றும் என்றும் இளமையின் ரகசியம் என்னவென்று ரசிகர்கள் சமூக வலைத்தளங்களில் ஆவலுடன் விவாதித்து வருகின்றனர்.
மறுபுறம், ஜேசன் சஞ்சய் இயக்கத்தில் பெரும் எதிர்பார்ப்புகளுக்கு மத்தியில் வெளியான 'சிக்மா' திரைப்படம் கலவையான விமர்சனங்களைப் பெற்று வருகிறது. தீவிர விளம்பரப் படுத்தல்கள் முன்னெடுக்கப்பட்ட போதிலும், படத்திற்கான வரவேற்பு மந்தமாகவே காணப்படுகிறது.
திரையரங்குகளில் கூட்ட நெரிசல் குறைவாகவே காணப்படுவதுடன், வெளியான முதல் மூன்று தினங்களில் இந்தியாவில் இப்படம் சுமார் 5.35 கோடி ரூபாய் மட்டுமே வசூலித்துள்ளதாகத் திரையுலகத் தகவல்கள் தெரிவிக்கின்றன.
