சர்ச்சைக்குரிய "க்ரிஷ்" (Krrish) மோசடி வழக்கில் பாராளுமன்ற உறுப்பினர் நாமல் ராஜபக்ஷவுக்கு வழங்கப்பட்ட பிணையை இடைநிறுத்தக் கோரித் தாக்கல் செய்யப்பட்ட மனு மீதான தீர்ப்பை, எதிர்வரும் நவம்பர் 18ஆம் திகதி வழங்குவதற்கு கொழும்பு மேல் நீதிமன்றம் தீர்மானித்துள்ளது.
இலஞ்ச மற்றும் ஊழல் ஆணைக்குழு (CIABOC) மற்றும் நாமல் ராஜபக்ஷவின் சட்டத்தரணிகள் முன்வைத்த சமர்ப்பணங்களைப் பரிசீலித்த பின்னர், கொழும்பு மேல் நீதிமன்ற நீதிபதி லால் ரணசிங்க பண்டார இந்தத் திகதியை அறிவித்துள்ளார்.
கொழும்பு நீதிவான் நீதிமன்றம் நாமல் ராஜபக்ஷவுக்கு வழங்கிய பிணை உத்தரவை இடைக்காலத் தடையுத்தரவு மூலம் இடைநிறுத்துவதா அல்லது இல்லையா என்பது தொடர்பான தீர்ப்பே எதிர்வரும் நவம்பர் 18ஆம் திகதி அறிவிக்கப்படவுள்ளது.
