‘கே.டி. தி டெவில்’ பாடல் சர்ச்சை: எதிர்ப்புகள் தீவிரம் – சமூக வலைதளங்களில் நீக்க நடவடிக்கை

இயக்குனர் பிரேம் உருவாக்கி வரும் ‘கே.டி. தி டெவில்’ திரைப்படம் வெளியீட்டுக்கு முன்பே சர்ச்சையின் மையமாக மாறியுள்ளது. இந்த படத்தில் Sanjay Dutt மற்றும் Nora Fatehi இணைந்து நடித்துள்ள ‘சர்கே சுனார் தேரி சர்கே’ பாடல் சமீபத்தில் வெளியானதும் பெரும் கவனத்தை ஈர்த்தது. ஆனால், அந்த கவனம் விரைவிலேயே எதிர்ப்பாக மாறியது.

பாடலில் இடம்பெற்ற சில வரிகள் பாலியல் குறிப்புகளை கொண்டதாக குற்றச்சாட்டு எழுந்தது. இதனால் சமூக வலைத்தளங்களில் கடும் எதிர்ப்புகள் எழுந்தன. பலர் அந்த பாடலை உடனடியாக நீக்க வேண்டும் என கோரிக்கை விடுத்தனர். இந்த விவகாரம் திரைப்படத் துறையினரிடமும், அரசியல் வட்டாரங்களிலும் பேசுபொருளாக மாறி, பலரும் வெளிப்படையாக கண்டனம் தெரிவித்தனர்.

சர்ச்சை தீவிரமான நிலையில், இது நாடாளுமன்றத்திலும் எடுத்துக்கொள்ளப்பட்டது. அப்போது மத்திய தகவல் தொழில்நுட்பத் துறை அமைச்சர் Ashwini Vaishnaw பதிலளிக்கையில், இந்த பாடலுக்கு முழுமையான தடை விதிக்கப்பட்டுள்ளதாக தெரிவித்தார். அதன்பின், யூடியூப் உள்ளிட்ட சமூக வலைத்தளங்களில் இருந்து பாடலை நீக்கும் நடவடிக்கை விரைவாக முன்னெடுக்கப்பட்டது.

இந்தச் சம்பவம், திரைப்பட பாடல்களின் உள்ளடக்கம் குறித்து மீண்டும் பெரிய விவாதத்தை கிளப்பியுள்ளது.