யாழ்ப்பாணம் புறநகர்ப் பகுதியில் பெருந்தொகை பணம் மற்றும் கூரிய ஆயுதங்களுடன் பெண் ஒருவர் உட்பட ஒன்பது பேரை யாழ்ப்பாணப் பொலிஸார் கைது செய்துள்ளனர்.
சந்தேகநபர்களை நீதிமன்றத்தில் ஆஜர்படுத்தியதை அடுத்து, அவர்களை எதிர்வரும் 9 ஆம் திகதி வரை விளக்கமறியலில் வைக்குமாறு யாழ்ப்பாணம் நீதவான் நீதிமன்றம் உத்தரவிட்டுள்ளது.
யாழ்ப்பாணம் புறநகர்ப் பகுதியில் ரோந்துப் பணியில் ஈடுபட்டிருந்த பொலிஸார், கார் ஒன்றிலும் இரண்டு மோட்டார் சைக்கிள்களிலும் சந்தேகத்திற்கிடமான முறையில் பயணித்த குழுவினரை வழிமறித்துச் சோதனையிட்டனர்.
இதன்போது காரினுள் இருந்து கூரிய ஆயுதங்களும் ஒன்பது இலட்சம் ரூபாய் பணமும் மீட்கப்பட்டன.
இதனைத் தொடர்ந்து காரிலும் மோட்டார் சைக்கிள்களிலும் பயணித்த பெண் உள்ளிட்ட ஒன்பது பேரையும் பொலிஸார் கைது செய்தனர். அத்துடன் அவர்கள் பயன்படுத்திய கார் மற்றும் இரண்டு மோட்டார் சைக்கிள்களையும் பொலிஸார் பறிமுதல் செய்து மேலதிக விசாரணைகளை முன்னெடுத்தனர்.
கைது செய்யப்பட்ட ஒன்பது சந்தேகநபர்களும் யாழ்ப்பாணம் நீதவான் நீதிமன்றத்தில் ஆஜர்படுத்தப்பட்டதைத் தொடர்ந்து, அவர்களை எதிர்வரும் 9 ஆம் திகதி வரை விளக்கமறியலில் வைக்குமாறு நீதவான் உத்தரவிட்டார்.
