உலக சந்தையில் தங்கம், வெள்ளி விலைகளில் திடீர் வீழ்ச்சி

உலக சந்தையில் தங்கம் மற்றும் வெள்ளி விலைகள் திடீரென கடும் வீழ்ச்சியை சந்தித்துள்ளதாக சர்வதேச ஊடகங்கள் தெரிவிக்கின்றன. இன்றைய (31.01.2026) நிலவரப்படி, ஒரு அவுன்ஸ் தங்கத்தின் விலை 4,893.2 அமெரிக்க டொலர்களாக குறைந்துள்ளது.

நேற்றைய தினத்துடன் (30) ஒப்பிடுகையில், தங்கத்தின் விலை 434.45 அமெரிக்க டொலர்களால் வீழ்ச்சியடைந்துள்ளதாகவும், இது சதவீத அடிப்படையில் 8.15 வீத குறைவாகும் என்றும் குறிப்பிடப்பட்டுள்ளது.

அதேபோன்று, வெள்ளி விலைகளிலும் கணிசமான வீழ்ச்சி பதிவாகியுள்ளது. இன்று ஒரு அவுன்ஸ் வெள்ளியின் விலை 85.34 அமெரிக்க டொலர்களாக காணப்படுவதுடன், இது முந்தைய தினத்துடன் ஒப்பிடுகையில் 29.16 அமெரிக்க டொலர் குறைவடைந்துள்ளதாக தெரிவிக்கப்படுகிறது. சதவீத அடிப்படையில் இந்த வீழ்ச்சி 25.46 வீதமாகும்.

இந்த திடீர் விலை மாற்றங்களின் காரணமாக, கடந்த 48 மணித்தியாலங்களில் தங்கம் மற்றும் வெள்ளி சந்தைகளிலிருந்து சுமார் 15 டிரில்லியன் அமெரிக்க டொலர்கள் வெளியேறியுள்ளதாக சர்வதேச வணிகச் செய்திகள் சுட்டிக்காட்டுகின்றன.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS