பெற்றோல் மற்றும் டீசல் விலைகளில் குறைப்பு; வெளியான அறிவிப்பு

இலங்கை பெற்றோலியக் கூட்டுத்தாபனம் எரிபொருள் விலைகளில் புதிய திருத்தங்களை அறிவித்துள்ளது. இத்திருத்தம் இன்று (31) நள்ளிரவு முதல் அமுலுக்கு வரும். அதன்படி, லங்கா பெட்ரோல் 92 ஒக்டேன் மற்றும் லங்கா ஓட்டோ டீசல் ஆகிய எரிபொருட்களின் விலைகள் லீட்டருக்கு தலா ரூ. 2 வீதம் குறைக்கப்பட்டுள்ளன.

இதற்கமைவாக, லங்கா பெட்ரோல் 92 ஒக்டேனின் புதிய விலை லீட்டருக்கு ரூ. 292 ஆகவும், லங்கா ஓட்டோ டீசலின் புதிய விலை லீட்டருக்கு ரூ. 277 ஆகவும் நிர்ணயிக்கப்பட்டுள்ளது.

அதேவேளை, 95 ஒக்டேன் பெட்ரோல், சூப்பர் டீசல் மற்றும் மண்ணெண்ணெய் ஆகிய ஏனைய எரிபொருள் வகைகளின் விலைகளில் எந்த மாற்றமும் செய்யப்படவில்லை. அவை முன்னர் இருந்த விலையிலேயே விற்பனை செய்யப்படும் என பெற்றோலியக் கூட்டுத்தாபனம் தெரிவித்துள்ளது.

இந்த புதிய எரிபொருள் விலைத் திருத்தம் 2026 ஜனவரி 31 ஆம் திகதி நள்ளிரவு 12.00 மணி முதல் அமுலுக்கு வரும் எனவும் மேலும் அறிவிக்கப்பட்டுள்ளது.