ஐபிஎல் வரலாற்றில் முதல் முறை.. மும்பை இந்தியன்ஸ்க்கு எதிராக சிஎஸ்கே மாபெரும் சாதனை.. 20 வெற்றிகள்!

சென்னையில் நடைபெற்ற பரபரப்பான ஐபிஎல் போட்டியில் சிஎஸ்கே (சென்னை சூப்பர் கிங்ஸ்) அணி, மும்பை இந்தியன்ஸை வீழ்த்தி வரலாற்றுச் சாதனை படைத்துள்ளது. இந்த வெற்றியின் மூலம், ஐபிஎல் வரலாற்றில் ஒரு குறிப்பிட்ட அணிக்கு எதிராக 20 வெற்றிகளைப் பெற்ற முதல் அணி என்ற பெருமையைச் சென்னை சூப்பர் கிங்ஸ் பெற்றுள்ளது.

மும்பை இந்தியன்ஸுக்கு எதிரான 41 ஐபிஎல் போட்டிகளில் சிஎஸ்கே தற்போது 20 வெற்றிகளும், மும்பை 21 வெற்றிகளும் பெற்றுள்ளன. கடைசி 8 சந்திப்புகளில் 7 ஆட்டங்களில் சிஎஸ்கே வெற்றி பெற்று, முன்னாள் சாம்பியனான மும்பையின் மீது தனது ஆதிக்கத்தை மீண்டும் நிலைநிறுத்தியுள்ளது.

மும்பை அணிக்கு எதிராகச் சென்னை அணி பெற்றுள்ள இந்த 20 வெற்றிகள், டெல்லி கேப்பிடல்ஸ் மற்றும் பஞ்சாப் கிங்ஸ் (இரண்டும் 17 வெற்றிகள்) போன்ற அணிகளை விடச் சிறப்பான சாதனையாகும்.

இந்தப் போட்டியில் மும்பை இந்தியன்ஸ் முதலில் பேட்டிங் செய்து 20 ஓவர்களில் 159 ரன்களை மட்டுமே எடுத்தது. பதிலுக்கு இறங்கிய சென்னை அணியின் கேப்டன் ருதுராஜ் கெய்க்வாட் (67 ரன்கள்) மற்றும் இளம் வீரர் கார்த்திக் சர்மா (54 ரன்கள்) இருவரும் அரைசதம் விளாசி ஆட்டமிழக்காமல் அணியை வெற்றிப்பாதைக்கு அழைத்துச் சென்றனர்.

சிஎஸ்கே 18.1 ஓவர்களில் 2 விக்கெட்டுகளை மட்டுமே இழந்து 160 ரன்கள் எட்டி, 8 விக்கெட் வித்தியாசத்தில் அபார வெற்றி பெற்றது. சென்னை ரசிகர்கள் முன்னிலையில் கிடைத்த இந்த வெற்றி, புள்ளிப்பட்டியலில் சிஎஸ்கேவை 6வது இடத்துக்கு உயர்த்தியுள்ளது.

அதே நேரத்தில் மும்பை இந்தியன்ஸ், இந்தத் தோல்வியுடன் தொடரிலிருந்து முதலாக வெளியேறும் அணி எனும் பெருமையைப் பெற்றுள்ளது.