விஜய்க்கு த்ரிஷா வைத்த செல்லப்பெயர்! என்ன? போன்ல எப்படி சேவ் பண்ணியிருப்பாங்க தெரியுமா?

தமிழ்நாட்டில் புதிய அரசியல் சக்தியாக உருவெடுத்து வரும் தமிழக வெற்றிக்கழகத்தின் தலைவராக நடிகர் விஜய் கடந்த இரண்டு ஆண்டுகளாக செயல்பட்டு வருகிறார். அரசியலில் முழுமையாக ஈடுபடத் தீர்மானித்த அவர், இனி சினிமாவில் நடிக்கமாட்டேன் என்றும் அறிவித்துள்ளார். அதே சமயம், அவரது தனிப்பட்ட வாழ்க்கையைச் சுற்றி பல்வேறு சர்ச்சைகள் தொடர்ந்து பேசப்பட்டு வருகின்றன.

த்ரிஷா மற்றும் விஜய் முதன்முதலில் இணைந்து நடித்த படம் கில்லி. இந்தப் படத்தில் காதல் காட்சிகள் குறைவாக இருந்தாலும், இவர்களின் ஜோடி ரசிகர்களிடையே பெரும் வரவேற்பைப் பெற்றது. பின்னர் திருப்பாச்சி, ஆதி, குருவி போன்ற படங்களிலும் இணைந்து நடித்தனர்.

சில ஆண்டுகள் இடைவெளிக்குப் பிறகு, 2023ஆம் ஆண்டு வெளியான லியோ திரைப்படம் மூலம் மீண்டும் இணைந்தனர். இந்த படம் வெற்றி பெற்றதைத் தொடர்ந்து, இருவரும் நெருக்கமாக இருப்பதாக சமூக வலைதளங்களில் செய்திகள் பரவின. வெளிநாட்டில் ஒன்றாக ஷாப்பிங் சென்றதாக கூறப்படும் புகைப்படங்களும் வைரலானது.

இந்தக் கிசுகிசுக்களுக்கு நடுவே, விஜய்யின் மனைவி சங்கீதா விவாகரத்து மனு தாக்கல் செய்தது பெரும் கவனத்தை ஈர்த்தது. 1999ஆம் ஆண்டு திருமணம் செய்துகொண்ட இவர்களுக்கு இரண்டு குழந்தைகள் உள்ளனர். தனது மனுவில், 2021 முதல் இருவரும் பிரிந்து வாழ்ந்து வருவதாகவும், விஜய் மற்றொரு பிரபல நடிகையுடன் தொடர்பில் இருப்பதாகவும் சங்கீதா குற்றம்சாட்டியதாக தகவல்கள் பரவின.

இதனுடன் தொடர்புபடுத்தி, த்ரிஷாவின் பழைய பேட்டி ஒன்று தற்போது வைரலாகியுள்ளது. அந்த பேட்டியில், ‘கில்லி’ படப்பிடிப்பு காலத்தில் விஜய்யை ‘சீட்டா’ என்று அழைத்ததாகவும், தனது மொபைலில் அவரின் பெயரை ‘V’ என்று சேமித்திருந்ததாகவும் அவர் கூறியிருந்தார். அதேபோல், த்ரிஷாவை விஜய் முழுப்பெயரால் அழைக்காமல் சுருக்கமாகவே அழைப்பார் என்றும், அவர் நடித்த படங்களை பார்த்த பிறகு “Good job Trish” என்று மெசேஜ் அனுப்புவார் என்றும் அவர் பகிர்ந்திருந்தார்.

மேலும், விவாகரத்து மனு தொடர்பான செய்திகளுக்குப் பிறகு, விஜய்யும் த்ரிஷாவும் ஒரே நிற உடையில் திருமண விழாவில் கலந்துகொண்டதாக கூறப்படும் நிகழ்வு மேலும் விவாதத்தை ஏற்படுத்தியது. த்ரிஷா, விஜய்யின் பிறந்தநாள்களில் தொடர்ந்து சமூக வலைதளங்களில் புகைப்படங்களுடன் வாழ்த்துக்கள் தெரிவித்ததும் ரசிகர்களிடையே சந்தேகங்களை அதிகரித்துள்ளது.

இவ்வாறான செய்திகள் பரவியிருந்தாலும், விஜய்யும் த்ரிஷாவும் தங்கள் உறவு குறித்து இதுவரை எந்த அதிகாரப்பூர்வ விளக்கமும் அளிக்கவில்லை என்பது குறிப்பிடத்தக்கது.