அரச விடுமுறை தினத்தில் மாற்றம்: பொது நிர்வாக அமைச்சு அதிரடி அறிவிப்பு

2026ஆம் ஆண்டுக்கான அரச வெசாக் உற்சவத்தை முன்னிட்டு, முன்னதாக அறிவிக்கப்பட்டிருந்த அரசாங்க விடுமுறை தினத்தில் மாற்றம் செய்து பொது நிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சு அதிவிசேட வர்த்தமானி ஒன்றை வெளியிட்டுள்ளது.

இம்முறை அரச வெசாக் உற்சவத்தின் உத்தியோகபூர்வ நிகழ்வுகள் மே மாதம் 30ஆம் திகதி நடைபெறவுள்ளன. இதைக் கருத்திற் கொண்டு, அதற்கு அடுத்த நாளான மே மாதம் 31ஆம் திகதி (ஞாயிற்றுக்கிழமை) அரசாங்க விடுமுறை தினமாகப் பிரகடனப்படுத்தப்பட்டுள்ளது. முன்னதாக மே மாதம் 2ஆம் திகதி வழங்கப்படவிருந்த விடுமுறைக்கு மாற்றாகவே இந்தத் தீர்மானம் எடுக்கப்பட்டுள்ளது.

அமைச்சரவையின் தீர்மானத்தின்படி, 2026 மே மாதம் 27ஆம் திகதி முதல் ஜூன் மாதம் 2ஆம் திகதி வரை வெசாக் வாரமாகப் பிரகடனப்படுத்தப்பட்டுள்ளது. இந்த மாற்றமானது அரச நிறுவனங்கள் மற்றும் பொதுமக்களின் வசதிக்காக மேற்கொள்ளப்பட்டுள்ளதாக அமைச்சின் அறிவிப்பில் தெரிவிக்கப்பட்டுள்ளது.