சின்ன பிக் பாஸ் குரல் யாருடையது தெரியுமா? லீக்கான ரகசியம்

விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 7 நிகழ்ச்சியில் இரண்டு வீடு கான்செப்ட் நடைபெற்றுக் கொண்டிருக்கிறது. அதில் ஏற்கனவே பிக் பாஸ் வீட்டிற்கு பிக் பாஸாக சாஷோ குரல் கொடுத்து வருகிறார்.

இந்த நிலையில் இந்த சீசனில் சின்ன வீட்டிற்கு யார் குரல் கொடுக்கிறார் என்ற தகவல்கள் வெளியாகி இருக்கிறது. 

விஜய் டிவியில் ரசிகர்கள் எதிர்பார்த்தபடியே பிக் பாஸ் தமிழ் சீசன் 7 நிகழ்ச்சி பிரமாண்டமாக சில தினங்களுக்கு முன்பு ஆரம்பிக்கப்பட்டது. 
தற்போது இதுவரைக்கும் இல்லாத வகையில் இந்த சீசனில் இரண்டு வீடு கான்செப்ட் தொடங்கப்பட்டிருக்கிறது.

இந்த நிலையில் தற்போது பிக் பாஸ் வீட்டில் 18 போட்டியாளர்கள் முதல் நாளில் அறிமுகமானார்கள். அவர்களின் இந்த வார தலைவரை கவர தவறிய ஆறு போட்டியாளர்கள் சின்ன வீட்டிற்குள் அனுப்பி வைக்கப்பட்டனர். 

அதைத்தொடர்ந்து இரண்டு போட்டியாளர்கள் விதியை மீறி சின்ன வீட்டில் இருந்து வந்தவர்களுக்கு சமையலுக்கு உதவியர்கள் என்று அனுப்பி வைக்கப்பட்டனர்.

இப்படியாக பெரிய வீடு சின்ன வீடு என்று ஒரே வீட்டிற்குள் இரண்டு வீடுகள் வைத்திருக்கின்றனர். இதுவரைக்கும் பிக் பாஸ் வீட்டிற்குள் தனியாக ஜெயில்தான் இருந்தது இப்போது அந்த ஜெயிலை பெரியதாக கட்டி அதை சின்ன வீடு என்று குறிப்பிட்டு வருகிறார்கள் என்றும் ரசிகர்கள் கலாய்த்து கொண்டிருக்கின்றனர். 

இந்த நிலையில் பிக் பாஸ் நிகழ்ச்சி பற்றி சில தகவல்களும் வெளியாகி இருக்கிறது. அதாவது பிக் பாஸ் நிகழ்ச்சிக்கு பிரபலமானதே அந்த நிகழ்ச்சி பற்றி அதில் பிரம்மாண்டமாக ஒரு குரல் ஒலித்துக் கொண்டிருப்பதும் தான். 

கமல் ஒரு பக்கம் தொகுத்து வழங்குகிறார் என்றால் இந்த நிகழ்ச்சியில் போட்டியாளர்களை வழிநடத்தி அவர்களுக்கு வார்னிங் கொடுத்து அவர்களை மிரட்டி கொண்டிருக்கும் அந்த கரகரப்பான குரல் ரசிகர்களை கவர்ந்தது. அதற்கு சொந்தக்காரர் சாஷோ தான் என்பது சில சீசன்களுக்கு முன்புதான் வெளியே தெரிய வந்தது.

பிக் பாஸ் குரலுக்கு சொந்தக்காரர் சாஷோ மும்பையில் வசித்து வருகிறார். இவர் நடிகராக மட்டுமல்லாமல் டப்பிங் ஆர்டிஸ்ட் ஆகவும் இருக்கிறார். 

இந்த நிலையில் தற்போது ஒளிபரப்பாகி வரும் பிக் பாஸ் வீட்டில் சின்ன வீட்டிற்கு குரல் கொடுக்கும் நபர் கடந்த பிக் பாஸ் தமிழ் சீசன் 5 நிகழ்ச்சியில் டைட்டில் வின்னர் ராஜுதான் என்று சமூக வலைத்தளத்தில் ஒரு பேச்சு அடிபட்டுக் கொண்டிருந்தது.

அதை தொடர்ந்து அதிகமான ரசிகர்கள் யார் அந்த குரலுக்கு சொந்தமானவர் என்று தேடி வருகின்றனர். இந்த நிலையில் சின்ன பாஸ் ஆக சின்ன வீட்டிற்குள் ஒலிக்கும் அந்த குரலுக்கு சொந்தக்காரரின் பெயர் அரவிந்தன் தானாம். 

இவர் சென்னையை சேர்ந்தவராம் சினிமாவில் நடிக்க வேண்டும் என்பதற்காக தீவிரமாக முயற்சி செய்து கொண்டிருக்கிறாராம். அதோடு தியேட்டர் ஆர்டிஸ்ட் ஆன இவர் கூத்து பட்டறையில் பயிற்சி பெற்றிருக்கிறார். 

இந்தநிலையில் இந்த சீசனில் இவர் வாய்ஸ் கொடுத்துக் கொண்டிருக்கிறார். இன்னும் சில தினங்களில் வெளி உலகத்திற்கு தன்னுடைய முகத்தை காட்டுவார் என்று எதிர்பார்க்கப்படுகிறது.