அதிர்ஷ்ட கதவு திறக்குமா அல்லது பேரழிவா? பாபா வாங்காவின் பகீர் கணிப்புகள்: அக்டோபர் முதல் அடுத்த 3 மாதங்களில் நடக்கப்போவது என்ன? 

உலகையே தனது அதிரடி கணிப்புகளால் திரும்பிப் பார்க்க வைத்த பல்கேரியாவைச் சேர்ந்த புகழ்பெற்ற பார்வையற்ற தீர்க்கதரிசி பாபா வாங்கா கூறிய பல வரலாற்று நிகழ்வுகள் இன்றும் உலக அரங்கில் ஆச்சரியத்துடன் விவாதிக்கப்பட்டு வருகின்றன. 

அந்த வகையில், 2026-ஆம் ஆண்டின் இறுதிப் பகுதியான செப்டம்பர் மற்றும் அக்டோபர் மாதங்கள் முதல் அடுத்த 3 மாதங்களுக்குள் பூமி மற்றும் மனித சமுதாயத்தில் மிகப்பெரிய திருப்புமுனைகளும் மாற்றங்களும் நிகழப்போவதாக பாபா வாங்காவின் கணிப்புகளை மேற்கோள்காட்டி வெளியாகும் தகவல்கள் இணையத்தில் பெரும் பரபரப்பை ஏற்படுத்தியுள்ளன.

பாபா வாங்காவின் குறிப்புகளை ஆய்வு செய்யும் நிபுணர்களின் கூற்றுப்படி, இந்த ஆண்டின் இறுதிக் காலகட்டத்தில் இயற்கையின் சமநிலை கடுமையாகப் பாதிக்கப்படலாம் எனக் கணிக்கப்பட்டுள்ளது. உலகின் சுமார் 7 முதல் 8 சதவீத நிலப்பரப்புகளில் எதிர்பாராத கடுமையான நிலநடுக்கங்கள், உறங்கிக்கிடந்த எரிமலைகள் வெடித்துச் சிதறுதல் மற்றும் பெருவெள்ளம் போன்ற பாரிய இயற்கை சீற்றங்கள் ஏற்படக்கூடும். 

இந்த இயற்கை மாற்றங்கள் மக்கள் அடர்த்தி மிகுந்த பல முக்கிய நகரங்களின் நில அமைப்பையே தலைகீழாக மாற்றி இலட்சக்கணக்கான மக்களின் இயல்பு வாழ்க்கையைத் தலைகீழாக மாற்றக்கூடும் என்று எச்சரிக்கப்படுகிறது.

இக்காலகட்டத்தில் விண்வெளி மற்றும் அறிவியல் உலகிலும் ஒரு பெரும் வியப்பு காத்திருப்பதாக அவரது கணிப்புகள் சுட்டிக்காட்டுகின்றன. குறிப்பாக 2026 நவம்பர் மாதவாக்கில் பூமியின் வளிமண்டலத்திற்குள் மிகப்பெரிய விண்கலம் அல்லது பறக்கும் தட்டு (UFO) பிரவேசித்து, மனித இனம் முதன்முறையாக வேற்றுக்கிரகவாசிகளின் நேரடித் தொடர்பை எதிர்கொள்ளும் தருணம் உருவாகலாம் என்று அவரது ஆதரவாளர்கள் நம்புகின்றனர். 

சமீபத்தில் சர்வதேச அளவில் அடையாளம் தெரியாத பறக்கும் பொருட்கள் தொடர்பான இரகசிய ஆவணங்கள் அதிகாரப்பூர்வமாகப் பகிரப்பட்டு வரும் சூழலில், இக்கணிப்பு உலகளாவிய கவனத்தைப் பெற்றுள்ளது. இருப்பினும், வானில் தென்படும் பொருட்கள் அனைத்தும் வேற்றுக்கிரக ஊர்திகள் அல்ல, அவை நவீன ட்ரோன்கள் அல்லது வானிலை பலூன்களாகவும் இருக்கலாம் என்று விஞ்ஞானிகள் தெளிவுபடுத்துகின்றனர்.

தொழில்நுட்பம் மற்றும் சர்வதேச நிதிச் சந்தை தொடர்பாகவும் பாபா வாங்கா விடுத்துள்ள எச்சரிக்கைகள் முக்கியத்துவம் பெறுகின்றன. இந்த ஆண்டின் இறுதிக்குள் செயற்கை நுண்ணறிவு (AI) மனிதக் கட்டுப்பாட்டை மீறிச் சுயமாக முடிவெடுக்கும் அளவுக்கு அதீத பலம் பெறும் என்றும் கணிக்கப்பட்டுள்ளது. 

அதேநேரம், உலகின் முன்னணி வங்கிகள் சில கடுமையான நிதி நெருக்கடியைச் சந்தித்து திவாலாகும் நிலைக்குத் தள்ளப்படலாம் எனவும், காகிதப் பணத்தின் மதிப்பு வீழ்ச்சியடைவதால் மக்கள் தங்கம் மற்றும் வெள்ளி போன்ற பாதுகாப்பான முதலீடுகளை நோக்கித் திரும்புவர் என்றும் கூறப்பட்டுள்ளது. இதனால் ஆபரணத் தங்கத்தின் விலை இதுவரை கண்டிராத வரலாற்று உச்சத்தைத் தொடும் சூழல் உருவாகலாம்.

சர்வதேச அரசியல் அரங்கிலும் பெரும் மாற்றங்கள் நிகழ வாய்ப்புள்ளதாக அவரது கணிப்புகள் தெரிவிக்கின்றன. கிட்டத்தட்ட இரண்டு தசாப்தங்களுக்கும் மேலாக ரஷ்யாவின் அதிகார மையமாக விளங்கும் அதிபர் விளாடிமிர் புதின், 2026 ஆம் ஆண்டு நிறைவடைவதற்குள் தனது பதவியை ராஜினாமா செய்து புதிய தலைவரிடம் அதிகாரத்தை ஒப்படைக்கலாம் என்ற அரசியல் கணிப்புகளும் தீவிரமாகப் பேசப்பட்டு வருகின்றன.

(பொறுப்புத் துறப்பு: இக்கட்டுரையில் குறிப்பிடப்பட்டுள்ள தகவல்கள் அனைத்தும் இணையத்தில் கிடைக்கும் பாரம்பரிய நம்பிக்கைகள் மற்றும் வரலாற்று ரீதியான கணிப்புகளின் அடிப்படையில் தொகுக்கப்பட்டவை மட்டுமே. இதற்கு எவ்வித அறிவியல் பூர்வமான உத்தரவாதமும் இல்லை. வாசகர்கள் இதனைத் தகவல் நோக்கத்திற்காக மட்டுமே கருத்தில் கொள்ளுமாறு கேட்டுக்கொள்ளப்படுகிறார்கள்.)