உலக மது ஒழிப்பு தினம்: நாடளாவிய ரீதியில் நாளை மூடப்படும் மதுபான விற்பனை நிலையங்கள்
உலக மது ஒழிப்பு தினத்தை முன்னிட்டு நாடளாவிய ரீதியில் உள்ள அனைத்து உரிமம் பெற்ற மதுபான விற்பனை நிலையங்களும் நாளை சனிக்கிழமை மூடப்படும் என கலால் திணைக்களம் அறிவித்துள்ளது.
உலக மது ஒழிப்பு தினத்தை முன்னிட்டு, நாடளாவிய ரீதியில் இயங்கும் உரிமம் பெற்ற அனைத்து மதுபான விற்பனை நிலையங்களும் நாளை (03) சனிக்கிழமை மூடப்பட்டிருக்கும் என்று கலால் திணைக்களம் அறிவித்துள்ளது.
ஒவ்வொரு ஆண்டும் ஒக்டோபர் 3ஆம் திகதி உலக மது ஒழிப்பு தினம் கடைப்பிடிக்கப்பட்டு வருகிறது. மது ஒழிப்பு இயக்கம் குறித்து பொதுமக்களிடையே விழிப்புணர்வை ஏற்படுத்துதல், மதுபானப் பயன்பாட்டைக் கட்டுப்படுத்துவதை ஊக்குவித்தல் மற்றும் மதுபானத்தைத் தவிர்ப்பதன் முக்கியத்துவத்தை வலியுறுத்துதல் ஆகிய நோக்கங்களுக்காக இத்தினம் அனுஷ்டிக்கப்படுகிறது.
இதனிடையே, உலகளவில் மதுபானப் பயன்பாட்டின் விளைவாக ஆண்டுதோறும் சுமார் 30 இலட்சம் பேர் உயிரிழப்பதாகத் தெரிவிக்கப்படுகிறது. மதுபானப் பழக்கத்தால் ஏற்படும் உலகளாவிய சுகாதாரப் பாதிப்புகளின் தீவிரத்தன்மையை இந்த உயிரிழப்பு விவரங்கள் வெளிப்படுத்துவதாக அமைகின்றன.
