முடிஞ்சா தொட்டுப் பாரு: ஐரோப்பிய அணிகளால் வீழ்த்த முடியாத ஜப்பானின் அசத்தல் சாதனை

சர்வதேச கால்பந்தில் ஆசியாவின் முன்னணி அணிகளில் ஒன்றான ஜப்பான், கடந்த சில ஆண்டுகளாக ஐரோப்பிய அணிகளுக்கு எதிராக அபாரமான ஆட்டத்தை வெளிப்படுத்தி வருகிறது. குறிப்பாக 2019ஆம் ஆண்டிலிருந்து இதுவரை நடைபெற்ற போட்டிகளில் ஒரு ஐரோப்பிய அணி கூட ஜப்பானைத் தோற்கடித்ததில்லை என்பது குறிப்பிடத்தக்கது.

வலுவான செர்பியா அணியை 1-0 என்ற கணக்கிலும், பலம் வாய்ந்த ஜெர்மனி அணியை 2-1 என்ற கணக்கிலும் ஜப்பான் வீழ்த்தியது. தொடர்ந்து, உலகத்தரம் வாய்ந்த ஸ்பெயின் அணியை 2-1 என்ற கோல் கணக்கில் சாய்த்து அசத்தியது.

குரோஷியாவுடனான போட்டி 1-1 என்ற கணக்கில் டிராவாக முடிந்தது. எனினும், மீண்டும் ஜெர்மனியுடன் களம் கண்டபோது, 4-1 என்ற அதிரடியான கோல் கணக்கில் அந்த அணியை வீழ்த்தி ஆதிக்கம் செலுத்தியது. அதைத் தொடர்ந்து, துருக்கிக்கு எதிரான விறுவிறுப்பான போட்டியில் 4-2 என்ற கணக்கில் வெற்றி வாகை சூடியது.

மேலும், ஸ்காட்லாந்து, இங்கிலாந்து மற்றும் ஐஸ்லாந்து ஆகிய அணிகளுக்கு எதிரான போட்டிகளில் தலா 1-0 என்ற கணக்கில் வெற்றிகளைப் பதிவு செய்தது. நெதர்லாந்து அணிக்கு எதிரான ஆட்டம் 2-2 என்ற கணக்கில் டிராவாக முடிந்தது.

2026 உலகக் கோப்பைத் தொடரின் ‘எப்’ பிரிவில் ஜப்பானுடன் நெதர்லாந்து மற்றும் ஸ்வீடன் ஆகிய ஐரோப்பிய அணிகள் இடம்பெற்றுள்ளன. இந்தத் தொடரில் ஜப்பான், தனது முதல் லீக் ஆட்டத்தில் நெதர்லாந்துடன் 2-2 என டிரா செய்தது. இதன் மூலம் ஐரோப்பிய அணிகளுக்கு எதிரான தோல்வியில்லாப் பயணம் தொடர்கிறது.