சிஎஸ்கே சாதனையை சமன் செய்த ஆர்சிபி.. உலகளவில் இரு அணிகளும் 2வது இடம்
ஐபிஎல் (Indian Premier League) 2026 தொடரில் ராஜஸ்தான் ராயல்ஸ் (Rajasthan Royals) அணிக்கு எதிரான போட்டியில் ஆர்சிபி (Royal Challengers Bengaluru) அணி 201 ரன்கள் குவித்து, சிஎஸ்கே (Chennai Super Kings) அணியின் சாதனையை சமன் செய்துள்ளது.
கவுகாத்தியில் உள்ள பர்சபரா கிரிக்கெட் மைதானத்தில் நடைபெற்ற இந்தப் போட்டியின் மூலம், RCB அணி IPL வரலாற்றில் 37 முறை 200 ரன்களுக்கு மேல் எடுத்த அணிகளின் பட்டியலில் CSK உடன் இணைந்துள்ளது.
இந்தப் போட்டியில், ஆர்சிபி அணியின் கேப்டன் ரஜத் படிதார் (Rajat Patidar) 40 பந்துகளில் 63 ரன்கள் எடுத்தார். இம்பாக்ட் வீரராக களமிறங்கிய வெங்கடேஷ் ஐயர் (Venkatesh Iyer) 15 பந்துகளில் 29 ரன்கள் எடுத்து ஆட்டமிழக்காமல் இருந்தார்.
விராட் கோலி (Virat Kohli) 16 பந்துகளில் 32 ரன்கள் எடுத்த நிலையில், ரவி பிஷ்னோய் (Ravi Bishnoi) பந்துவீச்சில் கிளீன் போல்டாகி வெளியேறினார்.
ஐபிஎல் வரலாற்றில் ராயல் சேலஞ்சர்ஸ் பெங்களூரு (Royal Challengers Bengaluru) அணி 274 போட்டிகளில் விளையாடி 37 முறை 200 ரன்களுக்கு மேல் எடுத்துள்ளது. அந்த அணியின் அதிகபட்ச ஸ்கோர் 2013-ல் புனே வாரியர்ஸ் இந்தியா (Pune Warriors India) அணிக்கு எதிராக எடுத்த 263/5 ஆகும்.
மறுபுறம், சென்னை சூப்பர் கிங்ஸ் (Chennai Super Kings) அணி 256 போட்டிகளில் விளையாடி 37 முறை 200+ ரன்களை கடந்துள்ளது. CSK அணியின் அதிகபட்ச ஸ்கோர் 2010-ல் ராஜஸ்தான் ராயல்ஸ் (Rajasthan Royals) அணிக்கு எதிராக எடுத்த 246/5 ஆகும்.
200+ ரன்கள் எடுத்த அணிகளின் பட்டியலில், சிஎஸ்கே (Chennai Super Kings) மற்றும் ஆர்சிபி (Royal Challengers Bengaluru) அணிகளுக்கு அடுத்தபடியாக பஞ்சாப் கிங்ஸ் (Punjab Kings) 33 முறை, மும்பை இந்தியன்ஸ் (Mumbai Indians) 32 முறை, கொல்கத்தா நைட் ரைடர்ஸ் (Kolkata Knight Riders) 30 முறை 200 ரன்களை எடுத்துள்ளன.
மேலும் சன்ரைசர்ஸ் ஹைதராபாத் (Sunrisers Hyderabad) 28 முறை, ராஜஸ்தான் ராயல்ஸ் (Rajasthan Royals) 27 முறை மற்றும் டெல்லி கேப்பிடல்ஸ் (Delhi Capitals) 20 முறை இந்த சாதனையை பதிவு செய்துள்ளன.
உலகளாவிய T20 கிரிக்கெட்டில் இந்திய ஆடவர் கிரிக்கெட் அணி (India National Cricket Team) 50 முறை 200+ ரன்களை எடுத்து உலக சாதனையைப் படைத்துள்ளது. அவர்களின் அதிகபட்ச ஸ்கோர் 297 ஆகும்.
அதன்பின், சென்னை சூப்பர் கிங்ஸ் (Chennai Super Kings) மற்றும் ராயல் சேலஞ்சர்ஸ் பெங்களூரு (Royal Challengers Bengaluru) அணிகள் தலா 40 முறை 200+ ரன்களை (IPL மற்றும் Champions League T20 உட்பட) எடுத்துள்ளன.
இங்கிலாந்தின் சாமர்செட் (Somerset) அணி இதே எண்ணிக்கையை எட்டியுள்ளது. யார்க்ஷயர் (Yorkshire) 36 முறை மற்றும் பஞ்சாப் கிங்ஸ் (Punjab Kings) 34 முறை 200+ ரன்களை எடுத்துள்ளன.
மும்பை இந்தியன்ஸ் (Mumbai Indians), சர்ரே (Surrey), கொல்கத்தா நைட் ரைடர்ஸ் (Kolkata Knight Riders) மற்றும் தென்னாப்பிரிக்கா (South Africa) ஆகிய அணிகளும் உலகளவில் அதிக 200+ ரன்களை பதிவு செய்துள்ளன.
