இலங்கையின் இன்றைய பாராளுமன்ற அமர்வு நேரலை 2026-09-23
சபாநாயகர் தலைமையில் பாராளுமன்ற அமர்வு ஆரம்பமானது. ஏற்றுமதிக் கமத்தொழில் ஊக்குவிப்பு சட்டமூலம் மற்றும் வலுசக்தி அமைச்சின் குறைநிரப்பு மதிப்பீடு உள்ளிட்ட இன்றைய பாராளுமன்ற அலுவல்கள் குறித்த விபரம்.
சபாநாயகர் தலைமையில் பாராளுமன்ற நடவடிக்கைகள் ஆரம்பமாகியுள்ளன. இன்றைய அமர்வின் தொடக்கமாக, முற்பகல் 09.30 மணி முதல் முற்பகல் 10.00 மணி வரை பாராளுமன்ற நிலையியற் கட்டளை 22(1) முதல் (6) வரையான விதிகளின் கீழ் பாராளுமன்ற அலுவல்கள் முன்னெடுக்கப்படுகின்றன.
அதனைத் தொடர்ந்து, முற்பகல் 10.00 மணி முதல் முற்பகல் 11.00 மணி வரை வாய்மூல விடைக்கான வினாக்களுக்கு நேரம் ஒதுக்கப்பட்டுள்ளது.
முற்பகல் 11.00 மணி முதல் முற்பகல் 11.30 மணி வரை பாராளுமன்ற நிலையியற் கட்டளை 27(2) இன் கீழ் வினாக்கள் எழுப்பப்படவுள்ளன. அதனைத் தொடர்ந்து முற்பகல் 11.30 மணி முதல் பிற்பகல் 5.00 மணி வரை பிரதான விவாதங்கள் இடம்பெறவுள்ளன.
இதன்போது ஏற்றுமதிக் கமத்தொழில் ஊக்குவிப்பு (திருத்தச்) சட்டமூலத்தின் இரண்டாம் மதிப்பீடு விவாதத்திற்கு எடுத்துக்கொள்ளப்படவுள்ளதுடன், வலுசக்தி அமைச்சு சார்ந்த 2026 ஆம் ஆண்டின் 05 ஆம் இலக்க குறைநிரப்பு மதிப்பீடும் அங்கீகாரத்திற்காக சமர்ப்பிக்கப்படவுள்ளது.
இறுதியாக, பிற்பகல் 5.00 மணி முதல் பிற்பகல் 5.30 மணி வரை ஒத்திவைப்பு வேளையின் போதான வினாக்கள் இடம்பெறவுள்ளன.
