தென்னாப்பிரிக்காவுக்கு எதிரான ஒருநாள் கேப்டன்ஷி ரெக்கார்டு எப்படி? – கில்லுக்கு பதில் ராகுல் சரியான தேர்வா?

இந்திய அணியின் புதிதாக நியமிக்கப்பட்ட ஒருநாள் கேப்டன் சுப்மன் கில், காயம் காரணமாக தென்னாப்பிரிக்காவுக்கு எதிரான மூன்று போட்டிகள் கொண்ட ஒருநாள் தொடரிலிருந்து வெளியேறியுள்ளார். இதனை அடுத்து, கே.எல். ராகுல் இந்தத் தொடரின் கேப்டனாக நியமிக்கப்பட்டுள்ளார்.

கில், ஆஸ்திரேலியாவுக்கு எதிரான முந்தைய ஒருநாள் தொடரில் கேப்டனாக அணியை வழிநடத்தினார். அந்த மூன்று போட்டிகளில் இந்தியா இரண்டில் தோல்வி, ஒன்றில் வெற்றி பெற்றது. அப்போதே, பலர் "கில்லை விட ராகுல் தான் சரியான தேர்வு" என்று கருத்து தெரிவித்திருந்தனர். இப்போது அந்த கருத்து நடைமுறையில் உருவாகியுள்ளது.

33 வயதான ராகுல், ஏற்கனவே பல தொடர்களில் இந்திய அணிக்கு தலைமை தாங்கியுள்ளார். ஒரு கட்டத்தில், பி.சி.சி.ஐ அவரை எதிர்கால கேப்டனாக கருதியது. ஆனால், பின்னர் ஏற்பட்ட திடீர் மாற்றங்கள் காரணமாக அவரது கேப்டன்ஷி பாதை மங்கியது.

ராகுலின் ஒருநாள் கேப்டன்ஷி ரெக்கார்டு:

2022: முதல் முறையாக தென்னாப்பிரிக்காவுக்கு எதிராக சொந்த மண்ணில் ஒருநாள் கேப்டனாக அறிமுகமானார். ஆனால், அந்த மூன்று போட்டிகளிலும் இந்தியா தோல்வி அடைந்தது.

2022 (ஜிம்பாப்வே தொடர்): இந்தியாவில் நடைபெற்ற மூன்று ஒருநாள் போட்டிகளில் ராகுல் தலைமையில் இந்திய அணி மூன்றிலும் வெற்றி பெற்றது.

2023 (ஆஸ்திரேலியாவுக்கு எதிரான தொடர்): முதல் இரண்டு போட்டிகளில் ராகுல் கேப்டனாக செயல்பட, இந்தியா இரண்டிலும் வெற்றி பெற்றது. மூன்றாவது போட்டியில் ரோஹித் திரும்பியதும் தோல்வி ஏற்பட்டது.

2023 (தென்னாப்பிரிக்கா மண்ணில்): மீண்டும் ராகுல் தலைமையில் இந்திய அணி விளையாடியது. இம்முறை 3 போட்டிகளில் 2 வெற்றி, 1 தோல்வி என்ற கணக்கில்

2022-இன் தோல்விக்கு பதிலடி கொடுத்தது.

புள்ளிவிவரங்கள்:

மொத்தம் கேப்டனாக விளையாடிய ஒருநாள் போட்டிகள்: 12
இன்னிங்ஸ்: 10
மொத்த ரன்கள்: 302
சராசரி: 33
அரைசதங்கள்: 4
அதிக ரன்கள் (ஆஸ்திரேலியாவுக்கு எதிராக): 58

தென்னாப்பிரிக்காவுக்கு எதிரான பதிவு:

மொத்த போட்டிகள்: 8
மொத்த ரன்கள்: 187
சராசரி: 26
ஸ்ட்ரைக் ரேட்: 70

இந்த புள்ளிவிவரங்களை மேம்படுத்தும் முயற்சியில் ராகுல், தற்போதைய தொடரில் கடுமையாக ஈடுபட வாய்ப்புள்ளார். கில்லின் காயம் காரணமாக கிடைத்த இந்த வாய்ப்பு, ராகுலுக்கு தனது தலைமைத்துறை திறமைகளை மீண்டும் நிரூபிக்கும் தருணமாக அமையும் என எதிர்பார்க்கப்படுகிறது.