தொடர்ந்து சரியும் தங்கம் விலை: நகை வாங்க இது சரியான நேரமா?

கடந்த இரண்டு நாட்களாக தங்கம் விலை தொடர்ந்து சரிவை சந்தித்து வருகிறது. அமெரிக்க டாலர் மதிப்பு கணிசமாக உயர்ந்திருப்பதே இதற்கான முக்கிய காரணமாக பார்க்கப்படுகிறது. கடந்த ஒரு வாரத்தில் இல்லாத அளவுக்கு டாலர் வலுவடைந்துள்ளதால், தங்கம் மீதான அழுத்தம் அதிகரித்துள்ளது.

மத்திய கிழக்கில் Israel மற்றும் Iran இடையேயான போர் ஐந்தாவது நாளாக நீடித்து வருகிறது. போர் தொடங்கிய முதல் இரண்டு நாட்களில் தங்கம் விலை திடீரென உயர்ந்திருந்தாலும், அதன் பின்னர் எதிர்பாராத வகையில் குறைய தொடங்கியுள்ளது. பெரிய அளவில் சரிவு இல்லாவிட்டாலும், கடந்த இரண்டு நாட்களாக சீரான வீழ்ச்சி காணப்படுகிறது.

டாலர் மதிப்பு உயர்வு
அமெரிக்க டாலர் வலுவடைதல் தங்கம் விலையை நேரடியாக பாதிக்கிறது. சந்தையின் எச்சரிக்கை மனநிலை, சப்ளை தொடர்பான காரணிகள் மற்றும் பணவீக்க அச்சம் ஆகியவை டாலர் மதிப்பை உயர்த்தியுள்ளன. கடந்த ஒரு மாதத்தில் இல்லாத அளவுக்கு டாலர் உயர்ந்துள்ளதாக கூறப்படுகிறது.

இதுகுறித்து Commerzbank வங்கி ஆய்வாளர் தூ லான் நிகுயென் தெரிவித்ததாவது: மத்திய கிழக்கு மோதல் காரணமாக உருவாகும் பணவீக்க அபாயங்களை சந்தை முக்கியமாகக் கருதுகிறது. இதனால் வட்டி விகிதம் உயர்த்தப்படலாம் என்ற எதிர்பார்ப்பு உருவாகியுள்ளது. வட்டி விகிதம் உயர்ந்தால் டாலர் வலுவடையும்; அதனால் தங்கம் விலை குறையும். பொதுவாக வட்டி விகிதம் குறையும்போது தங்கம் உயர்வது வழக்கம்.

அதேசமயம், PMI உள்ளிட்ட சில ஆய்வாளர்கள் தங்கம் விலை சரிவு தற்காலிகமானதாக இருக்கலாம் எனக் கூறுகின்றனர். மத்திய கிழக்கு மோதல் நீடித்தால், அடுத்த சில நாட்களில் தங்கம் மீண்டும் புதிய உச்சத்தைத் தொடக்கூடும் என்ற மதிப்பீடும் வெளியாகியுள்ளது.

சென்னையில் தங்கம் விலை
Chennai நகரில் நேற்று தங்கம் விலை மேலும் சரிந்தது. காலை நிலவரப்படி ஒரு சவரன் ரூ.1,25,200-க்கு விற்பனை செய்யப்பட்டது. மாலை நேரத்தில் மேலும் ரூ.1,480 குறைந்து, ஒரு சவரன் ரூ.1,23,720-க்கு விற்கப்பட்டது. ஒரு கிராம் தங்கம் ரூ.185 குறைந்து ரூ.15,465-ஆக பதிவானது.

சர்வதேச சந்தையில் ஏற்பட்ட சரிவு இந்திய சந்தையிலும் எதிரொலித்து வருகிறது.

தங்கம் விலை நிலவரம் (சவரன்):
3.03.2026 – ரூ.1,23,720 (மாலை)
3.03.2026 – ரூ.1,25,200 (காலை)
2.03.2026 – ரூ.1,25,280
1.03.2026 – ரூ.1,26,200
28.02.2026 – ரூ.1,24,400 (பிற்பகல்)
28.02.2026 – ரூ.1,21,600 (காலை)
27.02.2026 – ரூ.1,19,200
26.02.2026 – ரூ.1,19,360
25.02.2026 – ரூ.1,19,440
24.02.2026 – ரூ.1,19,120
23.02.2026 – ரூ.1,18,880
22.02.2026 – ரூ.1,17,440
21.02.2026 – ரூ.1,17,440
20.02.2026 – ரூ.1,15,360

தற்போதைய சூழலில் தங்கம் விலை தாறுமாறாக மாறக்கூடியதால், முதலீடு அல்லது நகை வாங்குதல் குறித்து முடிவு செய்வதற்கு முன் சந்தை நிலவரத்தை கவனமாகப் பரிசீலிப்பது அவசியம்.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS