தங்க விலையில் வீழ்ச்சி – வாங்க திட்டமிட்டோருக்கு வெளியான மகிழ்ச்சித் தகவல்

தங்கம் வாங்க எதிர்பார்த்து காத்திருந்தோருக்கு சாதகமான தகவலாக, இன்று தங்க விலையில் குறைவு பதிவாகியுள்ளது. கொழும்பு செட்டியார் தெரு வணிக தகவல்களின் படி, இன்றைய தினம் 22 கரட் தங்கப் பவுண் ஒன்றின் விலை 356,100 ரூபாவாக பதிவாகியுள்ளது. அதேநேரம், 24 கரட் தங்கப் பவுண் ஒன்றின் விலை 385,000 ரூபாவாக காணப்படுவதாக தெரிவிக்கப்படுகிறது.

உலக சந்தை நிலவரத்தின் அடிப்படையில், ஒரு அவுன்ஸ் தங்கத்தின் விலை தற்போது 4,870 முதல் 4,890 அமெரிக்க டொலர் வரை மதிப்பிடப்பட்டுள்ளது. அண்மையில் உலக சந்தையில் தங்கத்தின் விலை வரலாற்றில் முதன்முறையாக 5,000 அமெரிக்க டொலரை தாண்டியிருந்தது.

அதேபோல், இலங்கையிலும் தங்க விலை வரலாற்றில் முதன்முறையாக 4 இலட்சம் ரூபாவை கடந்திருந்தது குறிப்பிடத்தக்கது. இந்நிலையில், தற்போது தங்க விலையில் வீழ்ச்சிப் போக்கு காணப்படுவது சந்தையில் கவனம் பெற்றுள்ளது.