6 ரன்னில் ஆட்டமிழந்த கோலி.. டக் அவுட்டான சுப்மன் கில்.. அதிரடியாக விக்கெட்டுகளை வீழ்த்திய வங்கதேச பவுலர்!

சென்னை: வங்கதேசத்துக்கு எதிரான முதல் டெஸ்ட் போட்டியின் முதல் இன்னிங்ஸில் இந்திய அணி ஆட்டம் தொடங்கிய ஒரு மணி நேரத்திற்குள் கேப்டன் ரோகித் சர்மா, விராட் கோலி 6 ரன்கள், சுப்மன் கில் டக் அவுட் என 3 விக்கெட்டுகளை இழந்தது பெரும் அதிர்ச்சியை ஏற்படுத்தியுள்ளது.

இந்த போட்டி சென்னை சேப்பாக்கம் மைதானத்தில் இன்று தொடங்கியது. வங்கதேச அணியின் கேப்டன் ஷான்டோ டாஸ் வென்று பந்து வீச்சை தேர்வு செய்தார், வானிலை மேகமூட்டத்துடன் இருந்ததுடன், வேகப்பந்து வீச்சாளர்களுக்கு சாதகமாக அமைந்திருந்தது.

வங்கதேசம் 3 வேகப்பந்துவீச்சாளர்கள் மற்றும் 2 ஸ்பின்னர்களுடன் களமிறங்கியது. இந்திய அணி தொடக்க வீரர்களாக ரோகித் சர்மா மற்றும் யஷஸ்வி ஜெய்ஸ்வால் இணைந்து பின்தொடர்ந்தனர். முதல் ஓவரை டஸ்கின் அஹ்மத் வீச, இந்தியா மெதுவாக ரன்களை சேர்த்தது. எனினும், வங்கதேச பவுலர் ஹசன் மஹ்முத் தனது அதிரடி பந்து வீச்சால் இந்திய அணியை தாக்க ஆரம்பித்தார்.

6 ரன்களுக்குள் ரோகித் சர்மாவை தட்டிதூக்கிய வங்கதேசம்.. இந்தியாவுக்கு சவால்

ஹசன் மஹ்முத் தனது 2வது ஓவரிலேயே ரோகித் சர்மாவை எல்பிடபிள்யூ சிக்கவைத்த நிலையில், ரோகித் 6 ரன்களிலேயே ஆட்டமிழந்து வெளியேறினார்.

அதன்பின் களமிறங்கிய சுப்மன் கில் டக் அவுட்டாகி பெவிலியன் திரும்பினார். சுப்மன் கிலின் எதார்த்தமான ஆட்டம் எதிர்பார்ப்பை பூர்த்தி செய்யவில்லை. ஹசன் மஹ்முத் அவரை இலக்கு வைத்து அவுட் செய்தார்.

இதனையடுத்து, விராட் கோலி களமிறங்கியதும் ரசிகர்கள் பெரும் உற்சாகத்தில் இருந்தனர். கோலி வேகமாக ரன்களை சேர்க்கத் தொடங்கினார். ஆனால், ஹசன் மஹ்முத் அவரை குறிவைத்து 4வது ஸ்டம்ப் லைனில் ஃபுல் லெந்த் பந்து வீசி, விராட் கோலியின் அவுட்சைட் எட்ஜ் மூலம் விக்கெட் கீப்பரின் கைகளில் பிடித்தார். இதனால் கோலி 6 ரன்கள் எடுத்தவுடன் வெளியேறினார்.

இந்த ஆட்டமிழப்புகளால் இந்திய அணி 34 ரன்களில் 3 முக்கிய விக்கெட்டுகளை இழந்து மிகவும் கடினமான நிலையில் தடுமாறி வருகிறது.