மண்சரிவால் மலையக ரயில் சேவைகள் தொடர்ந்து பாதிப்பு
கடிகமுவ ரயில் நிலையத்தின் அருகிலுள்ள மண் திட்டிலிருந்து இன்று (17) அதிகாலை மீண்டும் பெருமளவு மண் ரயில் பாதையின் மீது சரிந்து விழுந்துள்ளது. இதனால் மலையகப் பகுதிக்கான ரயில் சேவைகள் தொடர்ந்து பாதிக்கப்பட்டுள்ளன.
இந்த நிலை காரணமாக, பொல்கஹவெலவிலிருந்து கம்பளை நோக்கி இயக்கப்படும் ரயிலும், கம்பளையிலிருந்து கொழும்பு கோட்டை நோக்கி இயக்கப்படும் ரயிலும் தமது பயணங்களை ஆரம்பிப்பதில் தாமதமாகும் என ரயில்வே வட்டாரங்கள் தெரிவித்துள்ளன.
குறித்த பகுதியில் ஏற்கனவே பெருமளவிலான மண் அகற்றப்பட்டிருந்தபோதிலும், ரயில் பாதையில் விழுந்த மண்ணை அகற்றும் பணிகள் தற்போதும் தொடர்ச்சியாக முன்னெடுக்கப்பட்டு வருகின்றன.
