ஸ்டேயில் முபீ சலூன் ஏற்பாட்டில், அழகு மற்றும் கலைத்துறைகளில் மாணவர்களின் திறமைகளை வெளிக்கொணரும் வகையில் பிரமாண்ட போட்டி நிகழ்ச்சியொன்று, கொழும்பில் இன்று (30) சிறப்பாக நடைபெற்றது.
மணமகள் அலங்காரம், ஆரி வேலைப்பாடு, தையல், மருதாணி அலங்காரம் மற்றும் கேக் பேக்கிங் உள்ளிட்ட பல்வேறு துறைகளை உள்ளடக்கியதாக இந்தப் போட்டிகள் ஏற்பாடு செய்யப்பட்டிருந்தன.
இதில் பல மாணவர்கள் மிகுந்த ஆர்வத்துடன் பங்கேற்று தங்களது திறமைகளை வெளிப்படுத்தினர். போட்டிகளில் அவர்களின் திறமைகள் மற்றும் ஆக்கப்பூர்வமான அணுகுமுறைகள் அடிப்படையில் வெற்றியாளர்கள் மற்றும் சிறந்த முறையில் தெரிவு செய்யப்பட்ட மாணவர்கள் தேர்ந்தெடுக்கப்பட்டனர்.
போட்டிகளில் திறமையை வெளிப்படுத்திய மாணவர்களுக்கு சான்றிதழ்கள் மற்றும் விருதுகள் வழங்கி கௌரவிக்கப்பட்டனர்.
இந்நிகழ்வின் சிறப்பு விருந்தினராக பிரபல நடிகை அபிராமி கலந்து கொண்டு நிகழ்ச்சியை சிறப்பித்தார். மாணவர்களின் திறமைகளை பாராட்டிய அவர், அவர்களின் எதிர்கால முயற்சிகளுக்கு வாழ்த்துக்களையும் தெரிவித்தார்.
நிகழ்ச்சிக்கு ஸ்டேயில் முபீ சலூன் ஏற்பாட்டாளர் உவய்ஸ் முபீனா தலைமை தாங்கியிருந்தார். மேலும், க்ரியேட்டிவ் சலூஷன் ஒருங்கிணைப்புக் குழுவினரும் நிகழ்ச்சி ஏற்பாடுகளில் இணைந்து செயல்பட்டனர்.
மாணவர்கள் தங்களது திறமைகளை போட்டி மூலம் வெளிப்படுத்துவதற்கும், துறைசார் அனுபவங்களைப் பெற்றுக்கொள்வதற்கும் இந்த நிகழ்வு சிறந்த வாய்ப்பாக அமைந்தது.
பல்வேறு துறைகளில் நடைபெற்ற போட்டிகளில் வெற்றி பெற்ற மற்றும் சிறப்பாக தெரிவு செய்யப்பட்ட மாணவர்கள் விருதுகள் மற்றும் சான்றிதழ்களைப் பெற்றுக்கொண்டதுடன், அவர்களின் திறமைகளை ஊக்குவிக்கும் வகையிலும் இந்நிகழ்வு அமைந்திருந்தது.
செம்மணி மனித புதைகுழி அகழாய்வில் அமர்ந்த நிலையில் புதைக்கப்பட்ட எலும்புக்கூடு மீட்பு: மொத்த எண்ணிக்கை 446 ஆக உயர்வு
கொழும்புதமிழ் WhatsApp சேனலில் இணையுங்கள்
உடனுக்குடன் செய்திகளைப் பெற வாட்ஸ்அப்பில் இணையுங்கள்
