கொழும்பு கிராண்ட்பாஸில் வாக்குவாதம் விபரீதமாகியது: நபர் ஒருவர் தாக்கிக் கொலை

கொழும்பு - கிராண்ட்பாஸ் பகுதியில் நபர் ஒருவர் தாக்கிக் கொலை செய்யப்பட்டுள்ளார். வாக்குவாதமே விபரீதத்தில் முடிந்த சம்பவம் இது.

குறித்த நபர் காயமடைந்த நிலையில், கொழும்பு தேசிய வைத்தியசாலையில் அனுமதிக்கப்பட்டதன் பின்னர் இன்று (29) அதிகாலை உயிரிழந்ததாக பொலிஸ் ஊடகப் பிரிவு தெரிவித்துள்ளது.

உயிரிழந்தவர் கொழும்பு - 15, ஹேனமுல்ல முகாம் பகுதியைச் சேர்ந்த 65 வயதுடையவர் என அடையாளம் காணப்பட்டுள்ளது. தாக்குதல் காரணமாக ஏற்பட்ட காயத்தினாலேயே அவர் உயிரிழந்துள்ளதாக பொலிஸார் தெரிவிக்கின்றனர்.

சம்பவம் தொடர்பில் மேலதிக விசாரணையில், உயிரிழந்தவர் தனது வீட்டிற்கு அருகில் முச்சக்கரவண்டியை நிறுத்தி களியாட்டங்களில் ஈடுபட்ட சிலருடன் வாக்குவாதத்தில் ஈடுபட்டுள்ளார்.

அந்த வாக்குவாதமே தீவிரமடைந்த நிலையில், உயிரிழந்தவர் மீது தாக்குதல் நடத்தப்பட்டுள்ளது. பின்னர் காயமடைந்தவர் வைத்தியசாலையில் அனுமதிக்கப்பட்டு, இன்று அதிகாலை சிகிச்சைப் பலனின்றி உயிரிழந்ததாக பொலிஸார் தெரிவிக்கின்றனர்.

இந்தச் சம்பவத்துடன் தொடர்புடைய சந்தேகநபர்களைக் கைது செய்வதற்கான விசாரணைகள் ஆரம்பிக்கப்பட்டுள்ளதாகவும், சம்பவம் தொடர்பான மேலதிக விசாரணைகளை பொலிஸார் முன்னெடுத்து வருவதாகவும் பொலிஸ் ஊடகப் பிரிவு தெரிவித்துள்ளது.