கடைசி டெஸ்டில் ஓய்வு பெறும் ரோஹித்? புதிய கேப்டன் இவர்தான்.. பிசிசிஜயின் அதிரடி திட்டம் இதுதான்!

இங்கிலாந்துக்கு எதிரான 5 போட்டிகள் கொண்ட டெஸ்ட் தொடரில் இதுவரை 4 போட்டிகள் நடைபெற்ற நிலையில்,  3-1 என்ற கணக்கில் இந்திய அணி தொடரைக் கைப்பற்றியது. 

கடைசி டெஸ்டில் ஓய்வு பெறும் ரோஹித்? புதிய கேப்டன் இவர்தான்.. பிசிசிஜயின் அதிரடி திட்டம் இதுதான்!

இங்கிலாந்துக்கு எதிரான 5 போட்டிகள் கொண்ட டெஸ்ட் தொடரில் இதுவரை 4 போட்டிகள் நடைபெற்ற நிலையில்,  3-1 என்ற கணக்கில் இந்திய அணி தொடரைக் கைப்பற்றியது. 

கடைசி டெஸ்ட் போட்டி, மார்ச் 7ஆம் தேதி தர்மசாலாவில் துவங்க உள்ளது. =இப்போட்டி துவங்க 7 நாட்கள் இருப்பதால், தற்போது இந்திய வீரர்களுக்கு நான்கு நாட்கள்வரை ஓய்வு வழங்கப்பட்டுள்ளது.

இந்நிலையில், 5ஆவது டெஸ்ட் போட்டிக்கான அணியில், சில ரஞ்சிக் கோப்பை வீரர்களை சேர்க்க பிசிசிஐ முடிவு செய்திருப்பதாக தகவல் வெளியாகி உள்ளது. எனினும், அவர்களுக்கு பிளேயிங் லெவன் கிடைக்காது என்றும் அனுபவத்திற்காக தான் சேர்க்கப்படுவதாக கூறப்படுகின்றது.

அத்துடன், ரோஹித் சர்மாவுக்கு கடைசிப் போட்டியில், கேப்டன் பதவியில் இருந்து ஓய்வு கொடுத்துவிட்டு, ரவிச்சந்திரன் அஸ்வினுக்கு கேப்டன் பதவியை தர அதிக வாய்ப்புகள் இருப்பதாக தகவல் வெளியாகி உள்ளது. 

இந்திய அணி ஸ்பின்னர் ரவிச்சந்திரன் அஸ்வின், தனது 100ஆவது டெஸ்ட் போட்டியை, தர்மசாலாவில் விளையாட உள்ளார். இந்திய டெஸ்ட் அணி, தொடர் வெற்றிகளை பெற அஸ்வினும் முக்கிய காரணம். இதனால், இவரை கௌரவிக்க பிசிசிஐ முடிவு செய்துள்ளது.

அஸ்வினுக்கு கேப்டன் பதவியை வழங்குவது, பரிசீலனையில் இருக்கும் நிலையில், 100ஆவது டெஸ்டில் ஆடும் அஸ்வினை, களத்தில் கௌரவிக்க பிசிசிஐ திட்டமிட்டுள்ளது. அஸ்வின் களத்திற்குள் வரும்போது, வீரர்கள் வரிசையாக நின்று அஸ்வினை வரவேற்க உள்ளனர்.

இந்திய அணியின் சுழற்பந்து வீச்சாளர் ரவிச்சந்திரன் அஸ்வின், இதுவரை 99 டெஸ்ட் போட்டிகளில் ஆடி, அதில் 507 விக்கெட்களை எடுத்துள்ளார். அதில், 8 முறை 10 விக்கெட்களையும், 35 முறை 5 விக்கெட்களையும் சாய்த்து வரலாறு படைத்துள்ளார்.

அதேபோல், 99 டெஸ்ட்டில் 140 இன்னிங்ஸ் களமிறங்கி இருக்கும் அஸ்வின், அதில் 3309 ரன்களை அடித்துள்ளார். ஒரு இன்னிங்ஸில் 124 ரன்களை அடித்திருக்கும் இவர், 5 சதம், 14 அரை சதங்களை அடித்து, டெஸ்ட் ஆல்-ரவுண்டர் தரவரிசையில் 2ஆவது இடத்தில் உள்ளார்.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP இல் இணையுங்கள் JOIN NOW


NEWS21
Colomboதமிழ் இணையதளத்தை இங்கே கிளிக் செய்து Follow செய்யுங்கள்...

NEWS21
Colomboதமிழ் Youtube சேனலை இங்கே கிளிக் செய்து Subscribe செய்யுங்கள்...