கள்ளக்காதலுக்காக கணவனை கொன்ற மனைவி: இருவருக்கும் இரட்டை ஆயுள் தண்டனை

நீலகிரி மாவட்டத்தைச் சேர்ந்த Justin Rajasekar (32) என்பவர், தனது மனைவி Indhu Sanni (25) உடன் கிருஷ்ணகிரி மாவட்டம் ஓசூர் அருகே மத்திகிரி பகுதியில் வாடகை வீட்டில் வசித்து வந்தார். இந்நிலையில், Indhu Sanniக்கு கூடலூரைச் சேர்ந்த Lindo Joseph (30) என்பவருடன் பழக்கம் ஏற்பட்டது. காலப்போக்கில் அது கள்ளக்காதலாக மாறியதாக கூறப்படுகிறது.

இந்த உறவு குறித்து தெரிந்த Justin Rajasekar, தனது மனைவியை கண்டித்ததாக தெரிகிறது. இதனால் குடும்பத்தில் அடிக்கடி தகராறு ஏற்பட்டுள்ளது. பின்னர், கணவர் தங்களுக்கு இடையூறாக இருப்பதாக நினைத்து, அவரை கொலை செய்ய இருவரும் திட்டமிட்டதாக போலீஸ் விசாரணையில் தெரியவந்தது.

2017ஆம் ஆண்டு ஆகஸ்ட் 19ஆம் தேதி இரவு, திட்டமிட்டபடி வீட்டிலேயே Justin Rajasekar கொலை செய்யப்பட்டார். பின்னர், சம்பவத்தை மறைக்க உடலை மத்திகிரி மயானத்தில் புதைத்தனர்.

இதற்கிடையில், Indhu Sanni தானாகவே கிராம நிர்வாக அலுவலரிடம் சரணடைந்து, நடந்ததை ஒப்புக்கொண்டார். இதனைத் தொடர்ந்து போலீசார் வழக்குப்பதிவு செய்து, இருவரையும் கைது செய்தனர். வழக்கு ஓசூர் கூடுதல் அமர்வு நீதிமன்றத்தில் விசாரணைக்கு வந்தது.

விசாரணை முடிவில், நீதிபதி சந்தோஷ் தீர்ப்பு வழங்கினார். அதன்படி, Indhu Sanni மற்றும் Lindo Joseph ஆகியோருக்கு இரட்டை ஆயுள் தண்டனை விதிக்கப்பட்டது. மேலும் தலா ரூ.10,000 அபராதமும் விதிக்கப்பட்டது.

அபராதத்தை செலுத்த தவறினால் கூடுதல் சிறை தண்டனை அனுபவிக்க வேண்டும் என்றும் கூறப்பட்டது. தடயங்களை மறைத்த குற்றத்திற்காக மேலும் 5 ஆண்டுகள் சிறை தண்டனையும், ரூ.5,000 அபராதமும் விதிக்கப்பட்டுள்ளது.