சுவிட்சர்லாந்தில் பல நோயாளிகளிடம் தவறாக நடந்த செவிலியருக்கு 9 ஆண்டு சிறைத் தண்டனை

சுவிட்சர்லாந்தின் வாலே (Valais) மாகாணத்தில் பணியாற்றிய ஒரு செவிலியருக்கு, நோயாளிகளிடம் பலமுறை தவறான நடத்தை செய்ததாக நிரூபிக்கப்பட்டதால், மேல்முறையீட்டு நீதிமன்றம் 9 ஆண்டுகள் சிறைத்தண்டனை வழங்கியுள்ளது.

2015 முதல் 2023 வரை பல மருத்துவமனைகளில் பணியாற்றிய போது, அவர் நோயாளிகளிடம் தகாத முறையில் நடந்துகொண்டதாக வழக்குகளில் கூறப்பட்டுள்ளது. கீழ்நீதிமன்றம் முன்பு 8 ஆண்டு தண்டனை வழங்கியிருந்தது. தண்டனைக்கு எதிராக மேல்முறையீடு செய்தபோதும், மேல் நீதிமன்றம் தண்டனையை உறுதி செய்து, அதை ஒரு ஆண்டுக்கு அதிகரித்தது.

அந்த நபர் ருமேனியா நாட்டைச் சேர்ந்தவர் என்பதால், தண்டனை முடிந்ததும் சுவிட்சர்லாந்தை விட்டு வெளியேற வேண்டும் என்றும், அடுத்த 15 ஆண்டுகள் அந்த நாட்டில் மீண்டும் நுழையத் தடை விதிக்கப்படுவதாகவும் நீதிமன்றம் அறிவித்துள்ளது.