யஷஸ்வி ஜெய்ஸ்வால்: 7 சதங்கள், 7 வெவ்வேறு மைதானங்கள் - இந்திய கிரிக்கெட்டின் புதிய சாதனை நாயகன்

இந்திய டெஸ்ட் அணியில், ரோஹித் சர்மாவுக்கு அடுத்து, அவரது ஓபனர் இடத்தை யாஷஸ்வி ஜெய்ஷ்வால், உறுதியாக பிடித்துக் கொண்டார். ஓபனராக களமிறங்கியப் பிறகு, ஜெய்ஷ்வாலின் ஆட்டம், அபாரமாக இருக்கிறது. 

நிதானமாக ஆட வேண்டிய இடத்தில் நிதானம் காட்டியும், பிறகு செட்டில் ஆனப் பிறகு அதிரடி காட்டுவதும்தான் ஜெய்ஷ்வாலின் சூத்திரமாக இருக்கிறது.

மேற்கிந்தியத் தீவுகளுக்கு எதிரான 2ஆவது டெஸ்ட் போட்டிக்கு முன், இந்திய அணிக்காக 25 டெஸ்ட் போட்டிகளில், 47 இன்னிங்ஸ் களமிறங்கி, அதில் 49.89 சராசரியில் 2245 ரன்களை குவித்துள்ளார். 

ஒரு இன்னிங்ஸில், அதிகபட்சமாக 214 ரன்களை எடுக்க முடிந்தது. 12 சதம், 6 சதங்களை எடுத்திருந்த அவர், 277 பவுண்டரிகளையும், 43 சிக்ஸர்களையும் அடித்தார். தற்போது, மேற்கிந்தியத் தீவுகளுக்கு எதிரான 2ஆவது டெஸ்ட் போட்டியின் மூலம், 7ஆவது சதத்தை அடித்துள்ளார்.

யாஷஸ்வி ஜெய்ஷ்வால், இதுவரை 7 டெஸ்ட் சதங்களை அடித்துள்ள நிலையில், அந்த 7 சதங்களையும் வெவ்வேறு மைதானங்களில் அடித்துள்ளார். 

முதல் சதம்: 2023ஆம் ஆண்டு ஜூலையில், டோமினிக்காவில் நடைபெற்ற டெஸ்டில், யாஷஸ்வி ஜெய்ஷ்வால் அறிமுகம் ஆனார். முதல் இன்னிங்ஸிலேயே 387 பந்துகளில் 16 பவுண்டரி, ஒரு சிக்ஸர் உட்பட 171 ரன்களை குவித்து அசத்தினார். 

2ஆவது சதம்: தொடர்ந்து, இரண்டாவது சதம் இந்திய மண்ணில்தான் கிடைத்தது. 2024ஆம் ஆண்டு பிப்ரவரியில், விசாகபட்டினத்தில் நடைபெற்ற இங்கிலாந்துக்கு எதிரான டெஸ்ட் போட்டியில், இரட்டை சதம் விளாசி அசத்தினார். 290 பந்துகளை எதிர்கொண்டு, அதில் 19 பவுண்டரிகள், 7 சிக்ஸர்கள் உட்பட 209 ரன்களை குவித்தார்.

3ஆவது சதம்: இங்கிலாந்துக்கு எதிரான அதே தொடரில், ராஜ்கோட் மைதானத்தில், மீண்டும் யாஷஸ்வி ஜெய்ஷ்வால் இரட்டை சதம் அடித்தார். முதல் இன்னிங்ஸில் 10 பந்துகளில் 10 ரன்களை மட்டும் அடித்து அவுட் ஆன ஜெய்ஷ்வால், இரண்டாவது இன்னிங்ஸில் 236 பந்துகளில் 14 பவுண்டரி, 12 சிக்ஸர்கள் உட்பட 214 ரன்களை குவித்து, வெற்றிக்கு முக்கிய காரணமாக இருந்தார்.

4ஆவது சதம்: ஆஸ்திரேலியாவில் பெர்த்தில் நடைபெற்ற டெஸ்டில், யாஷஸ்வி ஜெய்ஷ்வால் சதம் அடித்தார். அப்போட்டியில், 297 பந்துகளை எதிர்கொண்ட யாஷஸ்வி ஜெய்ஷ்வால், அதில் 15 பவுண்டரி, 3 சிக்ஸர்கள் உட்பட 161 ரன்களை குவித்து அசத்தினார்.

5ஆவது சதம்: இங்கிலாந்து மண்ணில், லீட்ஸில் நடைபெற்ற முதல் டெஸ்ட் போட்டியில், யாஷஸ்வி ஜெய்ஷ்வால், 159 பந்துகளை எதிர்கொண்டு, அதில் 16 பவுண்டரி, ஒரு சிக்ஸர் உட்பட 101 ரன்களை குவித்தார்.

6ஆவது சதம்: இங்கிலாந்து மண்ணில் நடைபெற்ற 5ஆவது டெஸ்ட் போட்டியில், ஓவல் மைதானத்தில் முதல் இன்னிங்ஸில் 2 ரன்களை எடுத்த நிலையில், 2ஆவது இன்னிங்ஸில் 164 பந்துகளில் 14 பவுண்டரி, 2 சிக்ஸர்கள் உட்பட 118 ரன்களை எடுத்து அசத்தினார்.

7ஆவது சதம்: மேற்கிந்தியத் தீவுகளுக்கு எதிரான 2ஆவது டெஸ்ட் போட்டியில், டெல்லியில், யாஷஸ்வி ஜெய்ஷ்வால், அபாரமாக செயல்பட்டு சதம் அடித்தமை குறிப்பிடத்தக்கது.

நாட்டு நடப்புகளை உங்கள் அலைபேசியில் பெற்றுக்கொள்ள Colomboதமிழ் WHATSAPP மற்றும் GOOGLE NEWS பக்கத்தில் இணையுங்கள்.

WHATSAPP CHANNEL GOOGLE NEWS