தென்னாப்பிரிக்கா 'ஏ' அணிக்கு எதிரான தொடர்: ரிஷப் பண்ட் கேப்டனாக நியமனம், இந்திய 'ஏ' அணி அறிவிப்பு
இந்தியாவுக்கு சுற்றுப்பயணம் மேற்கொள்ள உள்ள தென்னாப்பிரிக்கா அணி, நவம்பர் மாதம் 14ஆம் தேதி கொல்கத்தாவில் தொடங்கும் இரண்டு டெஸ்ட் போட்டிகள் கொண்ட தொடரில் விளையாட உள்ளது.
Editorial Staff 
இந்தியாவுக்கு சுற்றுப்பயணம் மேற்கொள்ள உள்ள தென்னாப்பிரிக்கா அணி, நவம்பர் மாதம் 14ஆம் தேதி கொல்கத்தாவில் தொடங்கும் இரண்டு டெஸ்ட் போட்டிகள் கொண்ட தொடரில் விளையாட உள்ளது. இந்த முக்கிய தொடருக்குத் தயாராகும் விதமாக, தென்னாப்பிரிக்கா 'ஏ' அணி தற்போது இந்தியாவுக்கு சுற்றுப்பயணம் மேற்கொண்டு இரண்டு நான்கு நாள் டெஸ்ட் போட்டிகளில் பங்கேற்கிறது.
முதல் நான்கு நாள் டெஸ்ட் போட்டி அக்டோபர் 30ஆம் தேதி தொடங்கி, நவம்பர் இரண்டாம் தேதி வரை நடைபெறுகிறது. இரண்டாவது நான்கு நாள் டெஸ்ட் போட்டி நவம்பர் 6ஆம் தேதி தொடங்கி நவம்பர் 9ஆம் தேதி வரை நடைபெறும்.
தற்போது தென்னாப்பிரிக்கா 'ஏ' அணிக்கு எதிரான இந்திய 'ஏ' அணி அறிவிக்கப்பட்டுள்ளது. இந்த அணியின் கேப்டனாக ரிஷப் பண்ட் நியமிக்கப்பட்டுள்ளார். கடந்த ஜூலை மாதம் மான்செஸ்டரில் இங்கிலாந்துக்கு எதிரான நான்காவது டெஸ்ட் போட்டியின் போது காலில் ஏற்பட்ட காயத்தால் கடந்த சில மாதங்களாக விளையாடாமல் இருந்த ரிஷப் பண்ட் தற்போது மீண்டும் அணிக்கு திரும்பி இருக்கிறார். சாய் சுதர்சன் அணியின் துணை கேப்டனாக அறிவிக்கப்பட்டுள்ளார்.
முக்கிய இந்திய அணி இம்மாதம் இறுதியில் அறிவிக்கப்படும் என எதிர்பார்க்கப்படுகிறது.
நவம்பர் 6ஆம் தேதி தொடங்க உள்ள இரண்டாவது நான்கு நாள் டெஸ்ட் போட்டியில், கே எல் ராகுல், துருவ் ஜூரல், பிரசித் கிருஷ்ணா மற்றும் முகமது சிராஜ் ஆகியோர் விளையாட உள்ளனர். முதல் நான்கு நாள் டெஸ்ட் போட்டியில் ரஜத் பட்டிதார், ருதுராஜ் கெய்க்வாட், அபிமன்யு ஈஸ்வரன், ஆகாஷ் தீப், மற்றும் நாராயன் ஜெகதீசன் ஆகியோர் விளையாட உள்ளனர்.
இந்தியா 'ஏ' அணியின் வீரர்கள் பட்டியல் (முதல் நான்கு நாள் போட்டி)
ரிஷப் பந்த் (கேப்டன், விக்கெட் கீப்பர்), ஆயுஷ் மாத்ரே, என். ஜெகதீசன் (விக்கெட் கீப்பர்), சாய் சுதர்சன் (துணைக் கேப்டன்), தேவதத் படிக்கல், ரஜத் பட்டிதார், ஹர்ஷ் துபே, தனுஷ் கோடியன், மனவ் சுதர், அன்ஷுல் கம்போஜ், யாஷ் தாக்கூர், ஆயுஷ் பதோனி, சரண்ஷ் ஜெயின், குர்னூர் பிரார், கலீல் அகமது.
இந்தியா 'ஏ' அணியின் வீரர்கள் பட்டியல் (இரண்டாவது நான்கு நாள் போட்டி)
ரிஷப் பந்த் (கேப்டன், விக்கெட் கீப்பர்), கே.எல். ராகுல், த்ருவ் ஜூரல் (விக்கெட் கீப்பர்), சாய் சுதர்சன் (துணைக் கேப்டன்), தேவதத் படிக்கல், ருதுராஜ் கெய்க்வாட், ஹர்ஷ் துபே, தனுஷ் கோடியன், மனவ் சுதர், கலீல் அகமது, குர்னூர் பிரார், அபிமன்யு ஈஸ்வரன், பிரசித் கிருஷ்ணா, முகமது சிராஜ், ஆகாஷ் தீப்.
WHATSAPP CHANNEL
GOOGLE NEWS
