இரண்டு தோல்வி... இருந்தாலும் இந்தியாவால் தொடரை வெல்ல முடியும்... கவாஸ்கர் நம்பிக்கை
இந்தியா மற்றும் இங்கிலாந்து அணிகள் மோதும் 5 போட்டிகள் கொண்ட டெஸ்ட் தொடரில் முதல் 3 போட்டிகளின் முடிவில் இங்கிலாந்து அணி 2-1 என்ற கணக்கில் முன்னிலையில் உள்ளது.
Editorial Staff 
இந்தியா மற்றும் இங்கிலாந்து அணிகள் மோதும் 5 போட்டிகள் கொண்ட டெஸ்ட் தொடரில் முதல் 3 போட்டிகளின் முடிவில் இங்கிலாந்து அணி 2-1 என்ற கணக்கில் முன்னிலையில் உள்ளது.
லார்ட்சில் நடைபெற்ற 2-வது போட்டியில் இந்திய அணி வெற்றிக்கு மிக அருகில் வந்து தோல்வியை தழுவிய நிலையில், இரண்டு அணிகளுக்கு இடையிலான 4-வது போட்டி மான்செஸ்டரில் வரும் 23-ம் தேதி தொடங்க உள்ளது.
முன்னதாக 2-வது போட்டியில் வெற்றி பெற்றிருந்தால் இந்திய அணி தொடரில் முன்னிலை பெற்றிருக்கும். தற்போதைய நிலையில், எஞ்சியுள்ள 2 போட்டிகளிலும் வெற்றி பெற்றால் மட்டுமே இந்திய அணியால் தொடரை கைப்பற்ற முடியும் என்ற சூழல் ஏற்பட்டுள்ளது.
இந்த நிலையில், இந்திய அணியால் இப்போதும் இந்த தொடரை 3-2 என்ற கணக்கில் வெல்ல முடியும் என்று முன்னாள் வீரர் சுனில் கவாஸ்கர் நம்பிக்கை வெளியிட்டுள்ளார்.
இது குறித்து பேசிய அவர், "இது ஒரு நல்ல அணி. வலுவான பந்துவீச்சு வரிசையைக் கொண்டுள்ளது. மான்செஸ்டரில் பந்து வீச்சாளர்களுக்கு நிச்சயமாக அதிக உதவி கிடைக்கும்.
இது எங்கள் பந்துவீச்சு தாக்குதலை மிகவும் சோதிக்கும். மான்செஸ்டர் பேட்டர்களுக்கும் சிறப்பாக இருக்கும். ஏனெனில் அவர்கள் பந்து பேட்டிற்கு வருவதை விரும்புகிறார்கள். ஒட்டுமொத்தமாக, பந்து நன்றாக வரும் ஒரு பிட்சாக இது இருக்கும். எனவே மான்செஸ்டரில், இந்தியா தொடரை சமன் செய்ய மிக நல்ல வாய்ப்பு உள்ளது என்று நான் நினைக்கிறேன்.
இந்தியாவுக்கு கொஞ்சம் அதிர்ஷ்டம் தேவை. இங்கிலாந்துக்கு லார்ட்ஸ் மற்றும் லீட்ஸிலும் கொஞ்சம் அதிர்ஷ்டம் இருந்தது. இந்திய அணி மான்செஸ்டர் மற்றும் ஓவலில் கொஞ்சம் அதிர்ஷ்டம் பெற்றால் தொடரை 3-2 என வெல்ல முடியும்" என்று கூறினார்.
WHATSAPP CHANNEL
GOOGLE NEWS
