அந்த இளம் வீரரை இனியும் இந்திய அணியில் சேர்க்க கூடாது: தமிழக வீரர் அதிரடி பேட்டி!

டி20 உலகக் கோப்பை 2024 தொடருக்கு முன், இந்திய அணி பங்கேற்கும் கடைசி டி20 தொடராக ஆப்கானிஸ்தானுக்கு எதிரான டி20 தொடர் நடைபெற்றது. இதில், பல தீர்வுகள் கிடைத்துள்ளன. கேப்டனாக ரோஹித் ஷர்மா விளையாடுவது உறுதியாகிவிட்டது. 

கோலியும் 160+ ஸ்ட்ரைக் ரேட்டில் ரன்களை அடித்தார். மேலும், இளம் வீரர்கள் யாஷஸ்வி ஜெய்ஷ்வால், ரவி பிஷ்னோய், ரிங்கு சிங் போன்றவர்கள் அபாரமாக செயல்பட்டு அசத்தினார்கள்.

ரிஷப் பந்த், காயம் காரணமாக விலகி இருப்பதால், விக்கெட் கீப்பர் இடம்தான் பிரச்சினையாக இருக்கிறது. கே.எல்.ராகுல், இஷான் கிஷன், சஞ்சு சாம்சன், ஜிதேஷ் ஷர்மா போன்றவர்கள் மாறிமாறி விக்கெட் கீப்பர்களாக இருக்கிறார்கள். 

ஆப்கானிஸ்தான் டி20 தொடரில் ஜிதேஷ் ஷர்மாவும், சாம்சனும் சேர்க்கப்பட்ட நிலையில், அதில், முதல் இரண்டு போட்டிகளில் ஜிதேஷ் ஷர்மாதான் சேர்க்கப்பட்டார். தொடரைக் கைப்பற்றியப் பிறகு கடைசி போட்டியில் சாம்சனுக்கு வாய்ப்பு 

மூன்றாவது போட்டியில் வாய்ப்பினை பெற்ற சஞ்சு சாம்சன், அதில் சிறப்பாக செயல்படவில்லை. முதல் பந்திலேயே ஆட்டமிழந்து நடையைக் கட்டினார். இது ரசிகர்கள் மத்தியிலும் கடும் அதிருப்தியை ஏற்படுத்துள்ளது.

தென்னாப்பிரிக்க ஒருநாள் தொடரில் சதம் அடித்த காரணத்தினால்தான், ஆப்கானிஸ்தான் டி20 தொடரில் சாம்சனுக்கு வாய்ப்பு கிடைத்தது. ஆனால், அதனை சாம்சன் சரியாக பயன்படுத்திக்கொள்ளவில்லை.

கே.எல்.ராகுல், இஷான் கிஷன் போன்றவர்கள் விக்கெட் கீப்பர்களாக இருக்கும்போது, அவர்கள் அடிக்கடி பௌலர்களுடன் பேசுவார்கள். குறிப்பாக, ஸ்பின்னர்களுடன் பேசி, இப்படி போடு, அப்படி பந்துபோடு என தொடர்ந்து உற்சாகமூட்ட கூடிய வகையில் பேசுவார்கள். 

ஆனால், சாம்சன் அப்படி எதுவும், பௌலர்களுடன் பேசவில்லை. இதுதான், சாம்சன் மீது அதிருப்தியை ஏற்படுத்தியுள்ளது.

இந்நிலையில், தற்போது பத்திரிகை ஒன்றுக்குப் பேட்டிகொடுத்துள்ள தமிழகத்தை சேர்ந்த முன்னாள் இந்திய வீரர் விவி கிரி, ''ரோஹித் ஷர்மா, ரிங்கு சிங், யாஷஸ்வி ஜெய்ஷ்வால், ஷிவம் துபே, விராட் கோலி என இந்திய அணி, அடுத்த டி20 உலகக் கோப்பைக்கு தயாராகிவிட்டது. 

இனி இளம் வீரர் சஞ்சு சாம்சனின் சேப்பர் ஓவர். இனியும் அவருக்கு ஆதரவளிப்பது என்னைப் பொறுத்தவரை பைத்தியக்காரத்தனம் என்றே சொல்வேன்'' என அதிரடியாக பேசினார்.

29 வயதாகும் சஞ்சு சாம்சன், இந்திய அணிக்காக 25 டி20 போட்டிகளில் விளையாடி, 133.1 ஸ்ட்ரைக் ரேட்டில் 18.7 சராசரியுடன் 374 ரன்களை மட்டும்தான் அடித்துள்ளார். 

ஐபிஎலில் 152 போட்டிகளில் விளையாடி, அதில் 137.19 ஸ்ட்ரைக் ரேட்டில் 29.23 சராசரியுடன் 3888 ரன்களை அடித்துள்ளார்.