12 ஆண்டுகளுக்குப் பிறகு கடகத்தில் குரு: இந்த 4 ராசிக்காரர்களுக்கு கொட்டப்போகும் அதிஷ்டம்!
குரு பகவான் கடக ராசிக்கு பெயர்ச்சியாகும் போது எந்த 4 ராசிக்காரர்களுக்கு அதிக நிதி மற்றும் வாழ்க்கை முன்னேற்றம் கிடைக்கும்.
ஜோதிடத்தில் தேவர்களின் குருவாகக் கருதப்படும் குரு பகவான், தனுசு மற்றும் மீன ராசிகளின் அதிபதியாக உள்ளார். பொதுவாக அவர் ஒரு ராசியில் சுமார் ஒரு வருடம் தங்குவார். தற்போது மிதுன ராசியில் பயணித்து வரும் குரு, ஜூன் 2ஆம் தேதி கடக ராசிக்குள் பிரவேசிக்கிறார். சந்திரன் ஆட்சி செய்யும் இந்த கடக ராசியில், குரு அக்டோபர் 31 வரை தங்கி பின்னர் சிம்ம ராசிக்கு நகர்வார்.
இந்த பெயர்ச்சியின்போது பஞ்ச மகாபுருஷ ராஜயோகங்களில் ஒன்றான ஹன்ஸ் ராஜயோகம் உருவாகும் என கூறப்படுகிறது. இதன் தாக்கம் அனைத்து ராசிகளிலும் உணரப்படும் நிலையில், குறிப்பாக நான்கு ராசிக்காரர்களுக்கு முக்கியமான நன்மைகள் கிடைக்கும் என நம்பப்படுகிறது.
மிதுன ராசிக்காரர்களுக்கு, குரு 2ஆம் வீட்டில் செல்லுவதால் நிதிநிலை மேம்படும். முதலீடுகளில் நல்ல லாபம் கிடைக்க வாய்ப்பு உள்ளது. பேச்சுத் திறன் உயர்ந்து தொழிலிலும் முன்னேற்றம் ஏற்படும். வேலை தொடர்பான பயணங்கள் நிதி வளர்ச்சிக்கு உதவும்.
கடக ராசிக்காரர்களுக்கு, குரு முதல் வீட்டில் இருப்பதால் வருமானத்தில் எதிர்பாராத உயர்வு ஏற்படலாம். புதிய வாய்ப்புகள் உருவாகும். தொழிலில் சாதனை செய்யும் காலமாக இது அமையும். மாணவர்களுக்கு கல்வியில் சிறந்த முன்னேற்றம் கிடைக்கும். எடுத்த முடிவுகள் நீண்ட கால நன்மைகளை தரக்கூடும்.
கன்னி ராசிக்காரர்களுக்கு, குரு 11ஆம் வீட்டில் இருப்பதால் வருமானம் அதிகரிக்கும். புதிய வருவாய் வாய்ப்புகள் கிடைக்கும். செல்வம் சேர்க்கும் காலமாக இருந்தாலும், செலவுகளும் அதிகரிக்கலாம். வீடு அல்லது வாகனம் வாங்கும் வாய்ப்புகள் உருவாகலாம். பரம்பரை சொத்து தொடர்பான பிரச்சனைகள் தீரலாம்.
மகர ராசிக்காரர்களுக்கு, குரு 7ஆம் வீட்டில் இருப்பதால் பணப்புழக்கம் அதிகரிக்கும். அதிர்ஷ்டம் சாதகமாக இருக்கும். வாழ்க்கைத்துணையின் ஆதரவு கிடைக்கும். நீண்ட தூர பயணங்கள் நல்ல பலனை தரக்கூடும். குடும்ப உறவுகள் வலுவடையும்.
இந்த தகவல்கள் பாரம்பரிய ஜோதிட நம்பிக்கைகள் மற்றும் பொதுவான கணிப்புகளின் அடிப்படையில் வழங்கப்படுகின்றன. இதனை உறுதிப்படுத்தப்பட்ட ஆலோசனையாக அல்லாது தகவலாக மட்டுமே எடுத்துக் கொள்ள வேண்டும்.
