‘தர்பார்’ இசை வெளியீட்டு விழாவையும் புறக்கணித்த நயன்தாரா

0

ஹிந்தித் திரையுலகில் பல கோடி சம்பளம் வாங்கும் முன்னணி ஹீரோயின்கள் கூட அவர்களது படங்கள் வெளிவரும் சமயத்தில் எல்லா பிரமோஷன் நிகழ்ச்சிகளுக்கும் செல்வார்கள்.

தங்களை பிரமோஷன் செய்து கொள்வதைவிட படத்திற்கு பல கோடிகளை முதலீடு செய்த தயாரிப்பாளர்கள் காப்பாற்றப்பட வேண்டும் என நினைப்பார்கள்.

ஆனால், தமிழில் பல ஹீரோயின்கள் அப்படி செய்வதில்லை. குறிப்பாக நடிகை நயன்தாரா அவர் நடிக்கும் எந்த ஒரு படத்தின் பிரமோஷன் நிகழ்ச்சிக்கும் செல்வதில்லை.

அண்மையில் கூட தெலுங்கில் சிரஞ்சீவி நடித்த ‘சைரா’ படத்தின் எந்த பிரமோஷன் நிகழ்ச்சிக்கும் அவர் வராதது கடும் சர்ச்சையை ஏற்படுத்தியது. இனி, தெலுங்கில் அவரை நடிக்க வைக்க வேண்டாம் என சில தயாரிப்பாளர்கள் முடிவெடுத்ததாகவும் செய்திகள் வெளிவந்தன.

இந்நிலையில் தமிழில் முன்னணி தயாரிப்பு நிறுவனம், டாப் நடிகர், பெரிய இயக்குனர் என கூட்டணி சேர்ந்த ‘தர்பார்’ பட இசை வெளியீட்டு விழாவில் கூட நேற்று நயன்தாரா கலந்து கொள்ளாதது பலருக்கும் ஆச்சரியமாக உள்ளது.

நயன்தாராவைத் தேடிச் சென்று தங்கள் படங்களில் நடியுங்கள் என சிலர் காத்துக் கொண்டிருப்பதாலேயே அவர் இப்படி செய்கிறார் என நேற்றைய விழாவில் சிலர் முணுமுணுத்ததைக் கேட்க முடிந்தது

Get real time updates directly on you device, subscribe now.

Leave A Reply

Your email address will not be published.

x