‘கிரிக்கெட்டில் அதிரடி மாற்றங்கள்’… ஐசிசியின் 7 புதிய விதிமுறைகள்

கிரிக்கெட் போட்டிகளுக்கு புது விதிமுறைகளை கொண்டு வருவது, விதிமுறைகளில் மாற்றங்களை ஏற்படுத்துவது போன்ற பணிகளை எம்சிசி கமிட்டிதான் செய்து வருகிறது.

‘கிரிக்கெட்டில் அதிரடி மாற்றங்கள்’… ஐசிசியின் 7 புதிய விதிமுறைகள்

கிரிக்கெட் போட்டிகளுக்கு புது விதிமுறைகளை கொண்டு வருவது, விதிமுறைகளில் மாற்றங்களை ஏற்படுத்துவது போன்ற பணிகளை எம்சிசி கமிட்டிதான் செய்து வருகிறது.

எவ்வித சர்ச்சைகளும் இல்லாமல், நேர்மையான முறையில் கிரிக்கெட் விளையாடுவதை உறுதிப்படுத்துவதுதான் இந்த கமிட்டியின் பணி. இந்நிலையில், சர்ச்சையை ஏற்படுத்தும் வகையில் இருந்த 7 விதிமுறைகளை ஐசிசி திருத்தி அமைத்துள்ளது. 

மன்கட் விதிமுறை:

நான் ஸ்டரைக்கர் எண்டில் உள்ள பேட்ஸ்மேன் பந்துவீசுவதற்கு முன்பு கிரீஸை விட்டு வெளியேறினால், ரன் அவுட்டாக்கலாம். அப்படி செய்யும் மட்கட் அவுட்டை, ரன் அவுட் என்று அறிவிக்கப்படும்.

மாற்று வீரர்:

மாற்று வீரராக களமிறக்கப்படுபவர், எந்த வீரருக்கு மாற்றாக களமிறங்குகிறாரோ, அந்த வீரரின் அந்தஸ்தை அப்படியே பெறுவார். அந்த வீரரின் தடை, சலுகைகள், நீக்கல்கள் அனைத்தையும் மாற்று வீரர் பெறுவார். இந்த விதிமுறை மிகமிக அரிதான நேரங்களில்தான் தேவைப்படும்.

பேட்டர் கேட்ச் ஆனால்:

முன்பெல்லாம் பேட்டர் கேட்ச் ஆகும்போது, நான் ஸ்ட்ரைக்கரில் இருப்பவர் ரன் ஓடி பேட் செய்யும் இடத்திற்கு சென்றுவிட்டால், அவர்தான் பேட்டிங் செய்வார். இனி அப்படி நடக்க வாய்ப்பில்லை. பேட்டர் கேட்ச் ஆனால், புதிதாக களமிறங்குபவர் கட்டாயம் ஸ்ட்ரைக்கிற்கு சென்றாக வேண்டும். (ஓவரின் கடைசி பந்தில் கேட்ச் ஆனால், இந்த விதிமுறை பொருந்தாது).

டெட் பால்:

போட்டி நடைபெறும்போது சில நேரங்களில் விலங்குகள், மனிதர்கள் மைதானத்திற்குள் வந்து இடையூறு செய்வார்கள். அப்போது வீசப்படும் பந்து டெத் பால் என அறிவிக்கப்படும்.

ஒய்ட் கிடையாது:

நவீன கிரிக்கெட்டில் பேட்டர்கள், பௌலர்களை குழப்புவதற்காக அவ்வபோது கிரிஸில் நடனமாடி, அங்கும் இங்கும் நகர்ந்து விளையாடுவார்கள். இதனால், பௌலர்கள் ஒயிட் வீசும் நிலை ஏற்படுகிறது. இனி பௌலர்கள் பந்துவீசும்போது பேட்டர்கள் எந்த இடத்தில் நகர்ந்து நிற்கிறார்களோ, அந்த இடத்தில் இருந்துதான் ஒயிட் கிரிஸ் கணக்கிடப்படும். இது பௌலர்களுக்கு சாதகமான ஒரு விஷயமாக பார்க்கப்படுகிறது.

பௌலர்களின் சொதப்பல் பந்துகள்:

பௌலர்கள் சில நேரம் கை தவறி, பந்துகளை தாறுமாறாக வீசுவது வழக்கம். அந்த லட்டு பந்துகளை பேட்ஸ்மேன்கள் அடித்தாலும், சில நேரங்களில் டெத் பால் என அறிவிக்கப்பட்டு பார்த்திருப்போம். இனி அப்படி கிடையாது. பேட்ஸ்மேன் அந்த பந்தை துரத்திக்கொண்டுபோய் அடிக்கலாம். 

ரன்கள் வழங்கப்படும். ஆனால், பிட்சிற்குள் பேட்ஸ்மேனின் சில பாகங்களாவது இருந்தால் மட்டுமே ரன் வழங்கப்படும்.. அப்படி பிட்சைவிட்டு நகர்ந்துபோய் பேட்ஸ்மேன்கள் அடிக்கும்போது, பேட்ஸ்மேன் அவுட் ஆனால் அந்த பந்து டெத் பால் என அறிவிக்கப்படும். இது பேட்ஸ்மேன்களுக்கு சாதகமான ஒரு விஷயமாக பார்க்கப்படுகிறது.

பீல்டிங் 5 ரன்கள்:

பந்துவீசும்போது பீல்டர்கள் நியாயமற்ற முறையில் நகர்ந்தால், முன்பு டெட் பால் என அறிவிக்கப்பட்டிருந்தது. தற்போது டெட் பால் என்றுதான் அறிவிக்கப்படும். கூடுதலாக 5 ரன்களும் வழங்கப்படும்.

பந்தில் உமிழ்நீர்:

பந்தில் உமிழ்நீரை தடவுவதை, ஆரோக்கியத்தை கருத்தில்கொண்டு தடை செய்யப்பட்டுள்ளது. பந்தில் எச்சில் தடவுவதால், ஸ்விங் ஆகும் என்றுதான் கருதப்பட்டது. ஆனால், இதுகுறித்து ஐசிசி ஆய்வு செய்ததில், அப்படியொன்றும் பெரிய தாக்கத்தை ஏற்படுத்தவில்லை என தெரிய வந்துள்ளதாக கூறப்படுகிறது.

இந்த விதிமுறைகள் அனைத்தும் அக்டோபர் 1ஆம் திகதி முதல் அமலுக்கு வரும் என்பது குறிப்பிடத்தக்கது.