Sun, Feb28, 2021

மேஷம்

ரிஷபம்

மிதுனம்

கடகம்

சிம்மம்

கன்னி

துலாம்

விருச்சிகம்

தனுசு

மகரம்

கும்பம்

மீனம்

இதையும் படிங்க

வளரும் பிள்ளைகள்: இளநீர் கொடுத்தால் இவ்ளோ நல்லது நடக்குமாம்!

வளரும் பிள்ளைகள் ஆரோக்கியமாக இருக்க விரும்பினால் அவர்களது உணவோடு ஆரோக்கிய பானமும் சேர்க்க வேண்டும்.

அதிலும் இயற்கையாக கலப்பில்லாமல் கிடைக்கும் இளநீர் சத்தான பானம். இளநீரில் கொழுப்பு மற்றும் கலோரிகள் குறைவாக உள்ளது. தாதுக்கள், வைட்டமின்கள் மற்றும் பிற ஊட்டச்சத்துக்கள் நிறைந்துள்ளன.

இதில் இரும்புச்சத்து, குளோரைடு, பொட்டாசியம், சோடியம், பாஸ்பரஸ், மெக்னீசியம், லாரிக் அமிலம் மற்றும் கால்சியம் அடங்கியுள்ளது. இளநீர் வாழைப்பழத்தைக் காட்டிலும் இரண்டு மடங்கு பொட்டாசியம் சத்தை கொண்டுள்ளது.

வளரும் பிள்ளைகளுக்கு இளநீர் கொடுப்பதால் உண்டாகும் நன்மைகள் என்னென்ன என்று பார்க்கலாம்.

​சருமத்தை பாதுகாக்கிறது

இளநீர் குடிப்பதன் மூலம் குழந்தைகள் சருமம் ஈரப்பதமாக வைக்க செய்கிறது. அவர்களது சருமத்தில் இருக்கும் அதிகப்படியான எண்ணெய் பசையை நீக்க செய்கிறது.

இளநீரில் பாக்டிரியா எதிர்ப்பு, நுண்ணுயிர் எதிர்ப்பு மற்றும் வைரஸ் எதிர்ப்பு பண்புகளை கொண்டுள்ளதால் அது சரும நோய்த்தொற்றுகளை குணப்படுத்த உதவும். வளரும் பிள்ளைகளின் சருமமும் ஆரோக்கியமாக இருக்க வேண்டுமே.

​செரிமானம் மேம்படும்

பிள்ளைகளுக்கு செரிமானக்கோளாறூகள் இருந்தால் இளநீர் கொடுத்து பழகுங்கள். இளநீர் நார்ச்சத்து நிறைந்தவை என்பதால் இது செரிமானத்தை ஊக்குவிக்கிறது.

மேலும் அமிலம் உணவுக்குழாய் வழியாக மேல் எழுவது குறைக்கப்படுகிறது. குழந்தை அடிக்கடி குமட்டல் ஏப்பம் போன்ற பிரச்சனைகளை கொண்டிருந்தால் செரிமானப்பிரச்சனை தான் காரணமாக இருக்கும்.

​நீரேற்றமாக வைத்திருக்கும்

வளரும் பிள்ளைகள் விளையாட்டு கவனத்தில் போதுமான நீரை குடிக்க மாட்டார்கள். அதோடு எப்போதும் விளையாட்டு என்பதால் அவர்கள் உடலில் வியர்வையும் அதிகப்படியாக இருக்கும்.

அவர்களது உடல் ஆற்றல் பெற ஆற்றல் பானங்களை காட்டிலும் அதிக அளவு பொட்டாசியம், சோடியம் மற்றும் இயற்கையாக குளுக்கோஸ் கொண்டுள்ளது. அதனால் இளநீர் குடிக்கும் குழந்தைகள் எளிதில் நீரிழப்பு பிரச்சனையை எதிர்கொள்ள மாட்டார்கள்.

​கால்சியம்

கால்சியம் சத்து வளரும் பிள்ளைகளுக்கும் அவசியம் தேவை. கால்சியம் நிறைந்த உணவுகளை தேடி தேடி கொடுக்கும் பெற்றோர்கள் இயற்கையாக கிடைக்கும் இளநீர் கொடுப்பது நல்லது.

கால்சியம் உடலில் எலும்புகளின் ஆரோக்கியத்தை மேம்படுத்த செய்கிறது. இனி பிள்ளைகளுக்கு கால்சியம் நிறைந்த உணவு குறித்த டயட்டில் இளநீரும் சேருங்கள்.

​சிறுநீர் தொற்று தடுக்கும்

வளரும் பிள்ளைகள் சிறுநீர் பாதை நோய்த்தொற்றுக்கு அடிக்கடி ஆளானால் அவர்களது ஆரோக்கிய பானத்தில் இளநீர் சேருங்கள். இளநீர் ஒரு டையூரிடிக் மருந்தாக செயல்படுவதால் குழந்தைகளின் சிறுநீர்ப்பை மற்றும் சிறுநீர் பாதையில் இருந்து நோய்த்தொற்றுகளை வெளியேற்றுகிறது. சிறுவர்களுக்கு உண்டாக கூடிய சிறுநீரக கற்கள் அபாயத்தையும் குறைக்கிறது.

​தசைகளை வலிமையாக்குகிறது

பிள்ளைகள் விளையாடும் போதெல்லாம் தடுக்கி விழுவது உண்டு. சில பிள்ளைகள் தசை பலவீனமாகி இருப்பதால் அவ்வபோது தசைப்பிடிப்பு பிரச்சனைகளை உணர்வார்கள். இலேசான காயத்துக்கும் அழும் குழந்தைகள் தசைகள் பலவீனமாக இருக்கும். வளரும் பருவத்தில் தசைப்பிடிப்பு இல்லாமல் தசைகளை வலிமைப்படுத்த இளநீர் அடிக்கடி கொடுக்கலாம். இளநீரில் பொட்டாசியம் இருப்பதால் இது தசைகளை வலுவாக்க செய்யும்.

​நச்சுக்களை வெளியேற்றுகிறது

பிள்ளைகள் எப்போது எதையாவது நொறுக்குத்தீனிகளை சாப்பிட விரும்புவார்கள். அதிலும் பெரும்பாலும் துரித உணவுகள், எண்ணெய் பொருள்கள், வறுத்த உணவுகள், அதிக இனிப்புகளாக இருக்கும். இதனால் அடிக்கடி வயிற்றுப்போக்கு நெஞ்செரிச்சல், மலச்சிக்கல், காய்ச்சல் பிரச்சனைகளை சந்திப்பார்கள்.

இந்த நேரத்தில் இளநீர் உதவக்கூடும். மேலும் அவை உடலில் இருக்கும் நச்சுக்களையும் வெளியேற்ற செய்யும். இரத்த ஓட்டத்தையும் மேம்படுத்துகிறது. வளரும் பிள்ளைகளுக்கு தினமும் 8 அவுன்ஸ் வரையான இளநீர் கொடுக்கலாம். அதுவும் ஃப்ரெஷ்ஷாக இருக்க வேண்டும். இது 45 முதல் 60 கலோரிகளை அளிக்கிறது.

மேலும் செய்திகளை உடனுக்குடன் படிக்க, கொழும்பு தமிழ் Android Mobile App இனை, இங்கே கிளிக் செய்து தரவிறக்கம் செய்துகொள்ளுங்கள்.

சமூக ஊடகங்களில் கொழும்பு தமிழ்:

கொழும்பு தமிழ் ஃபேஸ்புக்
கொழும்பு தமிழ் ட்விட்டர்
கொழும்பு தமிழ் இன்ஸ்டாகிராம்
கொழும்பு தமிழ் டெலிகிராம்
கொழும்பு தமிழ் யு டியூப்

Get all the Latest Sir Lanka Tamil News and Tamil World News at Colombo Tamil. You can also catch all the latest Tamil Entertainment News by following us on Twitter and Facebook. also Download Our News App in Google Play Store.

தொடர்புச் செய்திகள்

ஆசிரியரிடமிருந்து மேலும் பதிவுகள்

மேலும் பதிவுகள்

பிந்திய செய்திகள்

x