Thu, Oct21, 2021
Homeஜோதிடம்தொழில் அடிப்படையில் ஆடி மாதத்தில் 5 ராசிகள் பெறும் அற்புத பலன்

தொழில் அடிப்படையில் ஆடி மாதத்தில் 5 ராசிகள் பெறும் அற்புத பலன்

நவகிரகங்களின் தலைவனான சூரியன் ஜூன் 15ம் தேதி ரிஷப ராசியிலிருந்து மிதுன ராசிக்கு பெயர்ச்சி ஆகிறார். ஏற்கனவே புதன் மற்றும் சுக்கிரன் மிதுனத்தில் சஞ்சரித்து வரும் நிலையில் சூரியன் சேர்க்கை நிகழ உள்ளது.

மிதுன ராசி அதிபதி புதன் சூரியனுக்கு நட்பு கிரகமாவார். இந்த சூழலில் சூரியனின் இந்த மாற்றம் சில ராசிகளுக்கு நற்பலனையும், சில ராசிகளுக்கு சற்று சவால்களைத் தரக்கூடியதாக இருக்கும்.
ஆனி மாதத்தில் எந்தெந்த ராசிகளுக்கு தொழில் ரீதியாக ஏற்றம் தரும், வாழ்க்கையில் நல்ல மாற்றம் ஏற்படும் என்பதைப் பார்ப்போம்.

மேஷம்: சமூகத்தில் மதிப்பு அதிகரிக்கும்

மேஷ ராசிக்கு மூன்றாம் வீடான தைரிய ஸ்தானத்தில் சூரியனின் மாற்றம் நிகழ்வதால் உங்கள் உங்கள் வாழ்க்கையில் நேர்மறை ஆற்றல் பெறுவதோடு, உங்கள் வார்த்தைகள் தெளிவாக உபயோகிப்பதால் நல்ல வெற்றியைப் பெறுவீர்கள். இது சமூக மற்றும் குடும்ப வாழ்க்கையில் உங்கள் ஆதிக்கத்தை அதிகரிக்கும்.

நண்பர்களுடன் சில முக்கியமான திட்டங்கள் தீட்டி அதை செயல்படுத்துவீர்கள். செயல்களை வெற்றிகரமாக செய்து முடிப்பீர்கள். நீங்கள் பணியாற்றும் துறையில் செல்வாக்கு கிடைக்கும். திறமையைக் காட்ட ஒரு வாய்ப்பு இருக்கும்.

​மிதுனம் : முதலீட்டு திட்டம் வெற்றி அடையும்

சூரியனின் நண்பன் புதன் பகவான் ஆளக்கூடிய மிதுனத்தில் சூரியனின் சஞ்சாரம் பல வகையில் நற்பலன்கள் கிடைக்கும். எந்த ஒரு செயலையும் செய்வதற்கான ஆற்றல் கிடைக்கும். சரியாக எந்த விஷயத்திலும் திட்டமிட்டு செயல்பட்டால் நல்ல வெற்றியைப் பெற்றிடுவீர்கள்.

உங்களின் ஆரோக்கியம் சிறப்பாக மேம்படும். நீங்கள் செய்யும் முதலீட்டில் நல்ல வெற்றி, லாபம் கிடைக்கும். தொழில், வணிகத்தில் நல்ல லாபம் கிடைக்கும். குடும்பம், நண்பர்களுடன் நல்ல நேரத்தை செலவிடுவீர்கள். அவர்களுடன் பயணம் செய்ய வாய்ப்புள்ளது.

​சிம்மம் : செல்வாக்கு அதிகரிக்கும்.

ராசிக்கு 11ம் வீடான லாப ஸ்தானத்தில் சூரியனின் சஞ்சாரம் நிகழ்வதால் உங்கள் வாழ்வில் பல நன்மைகளைப் பெற வாய்ப்புள்ளது. மூத்த சகோதரர்கள் மூலம் நன்மைகளைப் பெறலாம். தொழில், வியாபாரம் செய்பவர்களுக்கு நன்மையைத் தருவதாக இருக்கும்.

அரசியலில் ஈடுபட்டுள்ளவர்களுக்குச் செல்வாக்கு அதிகரிக்கும். வெளிநாட்டு தொடர்பான தொழில் செய்பவர்களுக்கு லாபம் பெற வாய்ப்பு உள்ளது. நீண்ட கால ஆசை நிறைவேறும்.

​கன்னி : புகழ் அதிகரிக்கும்

ராசிக்கு 10ம் இடமான கர்ம, தொழில் ஸ்தானத்தில் சூரியனின் சஞ்சாரம் செய்வதால் உங்கள் தொழில், உங்கள் பணி தொடர்பான துறையில் ஜொலிப்பீர்கள். சிலருக்கு பதவி உயர்வு, ஊதிய உயர்வு கிடைக்கலாம். தந்தையுடனான உறவு மேம்படும்.

உங்கள் வேலையில் செல்வாக்கு அதிகரிக்கும். அரசு தொடர்பான வேலையில் லாபம் பெற வாய்ப்பு உள்ளது. குடும்பம் மற்றும் நண்பர்களுடன் மகிழ்ச்சியான நேரத்தை செலவிடுவீர்கள். சமூகப் பணியில் உள்ளவர்களுக்கு புகழ் அதிகரிக்கும்.

​மகரம்: முன்னேற்றத்திற்கு புதிய வாய்ப்புகள் கிடைக்கும்

இந்த ஆனி மாதத்தில் சூரியன் மிதுனத்தில் சஞ்சரிக்கக்கூடிய காலத்தில் உங்களின் செயல்பாடு சிறப்பாக இருக்கும். உங்களின் செயல் ஆதிக்கத்தால் எதிரிகளை பணிய செய்வீர்கள். மனைவி, மாமியார் தரப்பிலிருந்து நன்மைகளைப் பெறுவீர்கள்.

அதிர்ஷ்டம் உங்கள் பக்கம் இருப்பதால் உங்கள் செயல்களில் நல்ல வெற்றியை ருசிக்கலாம். வாழ்க்கையில் முன்னேறுவதற்கான நல்ல புதிய வாய்ப்புகளைப் பெறுவீர்கள். அரசு துறையில் பணிபுரிபவர்களுக்கு நல்ல சலுகைகள் கிடைக்க வாய்ப்புள்ளது.

அண்மைய செய்திகள்

இதயும் பாருங்க